Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 26 Нојабр Ганлы Нардаран фаҹиәси әлијев сүлаләсинин дахилиндә ҝедән чәкишмәнин үзәриндән асыла биләҹәк бир пәрдә иди. Халгын фикри МТН-нин сүлаләјә етдији вә аҹы бағырсаг кими узанан “хәјанәтин”дән чәкиндирмәк лазым иди...
Мусават гәзетинин мүхбири бу кими мәсәләләрә илә бағлы Һаҹы Әбдүл илә мүсаһибә апарыб. Мүсаһибәнин бир гисмини тәгдим едирик:
- Јени гануна әсасән, хариҹдә тәһсил аланлар артыг дини мәрасимләри идарә едә билмәјәҹәк. Бу гәрара неҹә бахырсыныз?
- Шәхсән мән бурда, Ислам Университетиндә тәһсил алмышам, ганун мәнә аид дејил. Амма бу гануну јахшы гаршыламадым. Онун јахшы тәрәфи дә вар, пис тәрәфи дә. Әмәли, иши јахшы дејилсә, тәбии ки, һәмин адамлара гадаға гојмаг лазымдыр. Амма халга, милләтә, динә хидмәт едирсә, нијә мәҹлис апармамалыдыр? Һәр кәсин ҝетдији јол мәлумдур. Ҝөрүрсән јолдан чыхыр, ҹәзаландыр. Ҝөзүмүзүн габағында МТН-дә ҝөрүн нәләр олду. Ора етибарлы јер иди, орда белә һадисәләр баш вердисә, башга јерләр тәәҹҹүблү дејил. МТН-дә ифша олунан дәстә ки, Нәҹәфдә, Гумда, ја Суријада, Сәудијјә Әрәбистанында тәһсил алмамышды. Анҹаг дөвләтә хәјанәт едәнләрин, ИШИД-ә гошуланларын вәтәндашлыгдан мәһрум едилмәсини дәстәкләјирәм.
- Нардаранда баш верәнләр сизинчүн ҝөзләнилмәз олмады ки?
- Ҝөзләмирдим. Нә ганлы, нә гансыз һадисәни... Нардаран һадисәләри чохшахәлидир е...
- Һардан гајнагланыр?
- Һәр јердән. Бир дәнә Ирана бағлајасан, ја МТН-ә бағлајасан, бу, дүзҝүн олмаз. Јәни һамысынын орда кәшфијјаты вар (админ: Һаҹы Әбдүл үстүөртүлү демәк истәјир ки, сионизимин бурда ҝөстәриши вар). Һәр кәс лазым ҝәләндә гызышдырыр вә арада мәзлум ҹамаат әзијјәт чәкир.
- Һаҹы Талени таныјырдыныз?
- Јох, һеч ҝөрмәмишәм.
- Неҹә билирсиниз, Нардарандакы оҹағы бирдәфәлик сөнмүш сајмаг олармы?
- Әлбәттә, дөвләтин касыб кәндләрә јардымы олмалыдыр. Нардаран бир о гәдәр дә варлы кәнд дејил. Кәнд дәнизин һесабына доланырды. Дәнизи әлләриндән алдылар, ҹамаат мүфлисләшди. Дәнизи алмысанса, башга шеј вермәлисән дә. Вермәдиләр. Фабрик јох, бөјүк һејвандарлыг комплексләри, әкинчилик јох, бу кәнд нә илә долансын? Тәк ора дејил ки, Азәрбајҹанын истәнилән мәнтәгәсиндә ејни вәзијјәт јарана биләр. Вәһабиләр һардан әмәлә ҝәлди? Һамысы Сәудијјә Әрәбистанынын малијјәсидир дә.
- Өлкәдә һәтта сүнни-шиә гаршыдурмасы јаратмаг истәјән гүввәләр ола биләрми?
- Һәр кәс ки, Азәрбајҹанда сүнни-шиә гаршыдурмасы јаратмаг фикриндәдир, билсин ки, бу, бош хәјалдыр. Азәрбајҹанда һеч вахт сүнни-шиә проблеми олмајыб. Амма вәһаби тәһлүкәси вар, онлардан өзүмүзү ҝөзләмәлијик, һәлә 50 ил бундан габаг демишәм. Вәһабиләр һәтта өзләрини сүнни кими гәләмә верирләр ки, сүнни вә шиәләр арасында нәсә јаратсынлар, амма бош шејдир.
Диггәт: Хәбәрдән истифадә етдикдә мәнбәјә истинад лазымдыр
