Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Түркијә Әһли-бејт Алимләри Дәрнәји Ниҝеријада баш верән Шиә Сојгырымы илә бағлы бәјанат јајымлајыб.
Бәјанатда Ниҝерија дөвләтиндән Шиәләрә гаршы тәзјигләрин тез бир заманда арадан галдырылмасы тәләб олунур.
Бәјанатын там мәтнин нәзәринизә чатдырырыг:
Бисмиллаһир Рәһманир Рәһим
مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُمْ مَنْ قَضَىٰ نَحْبَهُ وَمِنْهُمْ مَنْ يَنْتَظِرُ ۖ وَمَا بَدَّلُوا تَبْدِيلًا
Мөминләр ичәриләриндә еләләри дә вардыр ки, Аллаһа етдикләри әһдә садиг оларлар. Онлардан кимиси (бу јолда) шәһид олмуш, кимиси дә (шәһид олмасыны) ҝөзләјир. Онлар (вердикләри сөзү) әсла дәјишмәзләр. (Әһзаб 23)
Ниҝеријанын өндә ҝедән алимләриндән Шејх Мәһәммәд Туринин вә онларла Әһлибејт достунун мәзлумҹа шәһид едилдији вә Ниҝерија Ислами Һәрәкаты Лидери Шејх Ибраһим Зәкзакинин аиләси илә бирликдә һәбс олундуғу хәбәрләрини бөјүк кәдәр илә изләмәли олдуг.
Кечән ил Гүдс ҝүнүндә Ниҝерија дөвләти тәрәфиндән онларла Мүсәлман гардашымыз Шәһид едилмишди вә бу ил дә Әрбәин јүрүјүшләриндә онларла мүсәлман, тәкфирчи Боко Һарам тәшкилаты тәрәфиндән интиһар һүҹумлары илә Шәһид едилди. Бу Шәһидләри анма мәрасиминдә Ниҝерија дөвләт әсҝәрләри тәрәфиндән онларла Мөминин ганы һеч бир ҝүнаһы олмадан һагсыз јерә ахыдылды.
Бу јашанан аҹы һадисәләр дүнјадакы бүтүн Әһли-бејт достларынын үрәјини дағлајараг Мәһәммәди Ислама инанан бүтүн Мүсәлманларын бөјүк бир гајғы илә бу ҝедишатдан нараһат дујмасына сәбәб олмагдадыр.
Ниҝерија дөвләти, илләрдир Ниҝеријада ҝүнаһсыз инсанлары гәтлә јетирән, малларыны јағмалајан вә кәндләрини атәшә верән тәкфирчи террор тәшкилаты Боко Һарам илә дөјүшмәк јеринә, тәк ҹинајәтләри Пејғәмбәр Әһи-бејтинин јасыны тутмаг олан бу инсанлары өлдүрмәкдәдир. Бизләр буну хаинҹәсинә һәјата кечирилән алчаг бир һүҹум олараг гәбул едирик.
Бу ҹинајәтә ән чох севинән исә һеч шүбһәсиз ки, дүнјаны ган ҝөлүнә чевирән вә Ниҝерија дөвләтинин дә јахын досту олан Сионист гәсбкар Исраил режимидир.
Ниҝерија Ислами Һәрәкаты үзвү вә 1000-ә јахын Ниҝерија Әһли-бејт достунун гәмли шәһадәтләрини, башда дүнјаны әдаләтлә долдураҹаг вә бүтүн бу мәзлумларын интигамыны алаҹаг олан Мөвламыз Һз. Меһдијә (ә.с), Ниҝерија халгына вә бүтүн Мүсәлманлара тәслијәт әрз едирик.
Еһла-дер олараг, бу горхунҹ һадисәни шиддәтлә гынајараг, Ниҝерија дөвләтиндән Һөрмәтли Зәкзаки вә аиләсини сәрбәст бурахмаларыны вә Ниҝеријалы Мөминләр үзәриндәки тәзјигләрини галдырмалары лазым олдуғуну елан едирик.
Диггәт: Хәбәрдән истифадә етдикдә мәнбәјә истинад лазымдыр
