Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 26 Нојабр, 2015 тарихдә башланан һадисәләрдә Нардаран башда олмагла Азәрбајҹанын әксәр реҝионларында Шиәләрә гаршы күтләви сүрәтдә репресијалар вә ҝүнаһсыз инсанларын гәтли илә гејдә алынан әмәлијјатлара старт верилди ки, һәлә дә давам етмәкдәдир...
Бу сахта олајлар вахты илә Азәрбајҹанын сијаси, игтисади аренасындан заһирән силинәрәк тәмизләнмиш сионист хадимләрини хүсуси илә дә, “Ҹәмаәтчиләри”- Фәтуллаһ Ҝүләнин ардыҹылларыны јенидән Азәрбајҹандакы мәркәзләриндәики иш башларына ҝәлмәкләринә зәминә јаратды. Әлбәтдә ки, Бакы режиминин Нардаран Һадисәси һеч дә, мәгсәдсиз шәкилдә иҹра олунмамышдыр. Кимләрин исә јенидән иш башына ҝәлмәләри лазымлы иди...
Амма гоншу Түркијәдә исә, там башга бир сијасәт һәјата јеридилир. Әрдаған вә онун һакимијјәтини сарсыда биләҹәк һәр бир үнсүрүн зәрәрсизләшдирилмәси АКП үчүн һәр шејдән артыг зәруридир. Бу сәбәбдән дә, Фәтуллаһ Ҝүләнин лидерлик етдији Паралел Дөвләт Террор Тәшкилатынын “бејин командасы”на гаршы әмәлијјата старт верилиб. Ҝүләнин 1 нөмрәли шүбһәли олараг мүһакимә олундуғу дава илә бағлы 73 нәфәр һаггында һәбс гәрары верилди. Лакин 10 шәһәрдә ејни заманда башладылан әмәлијјат заманы садәҹә 5 нәфәр јахаланды. 43 шүбһәлинин исә хариҹә гачдығы ортаја чыхды.
Һәбс олунмасына гәрар вериләнләр арасында Азәрбајҹандакы “Диалог Аврасија” дәрҝисинин тәсисчиси Гәзетчиләр вә Јазарлар Вәгфи башганы Мустафа Јешил, иш адамы Алааддин Каја, Өндер Ајтач, Аһмет Ҹан, өрҝүт ичиндә “Бөјүк Аби” олараг танынан Исмаил Бүјүкчелеби, Саит Аксој, Неждет Башаран, Ҝүләнин Азәрбајҹан вә Орта Асија үзрә координатору Наҹи Тосун вә Ҹөвдәт Түркјолу вә башгалары јер алыр.
Гејд едәк ки, Ҝүләнин гурдуғу шәбәкә Азәрбајҹанда да актив шәкилдә фәалијјәт ҝөстәрмәкдәдир. Белә ки, Түркијәдә Ҝүләнин бејин мәркәзинә гаршы әмәлијјат кечирилсә дә, өлкәмиздәки фәтуллаһчыларын бејин мәркәзи олан Гафгаз Университети Ҝүләнин имамларынын идарәчилијиндә фәалијјәтини давам етдирир.
Белә ки, “Банк Асја”нын ортағы, Ҝүләнин Азәрбајҹан имамы Әнвәр Өзәрән Гафгаз Университетинин Рәјасәт Һејәтинин сәдри вәзифәсиндә галмагдадыр. Һабелә, ГУ-нун ректору Әһмәд Саныҹ да Ҝүләнә бағлы шәхсдир.
Ҝүләнә бағлы медиа гурумлары да Азәрбајҹанда фәалијјәтләрини давам етдирирләр. Белә ки, Ҝүләнә бағлы Гәзетчиләр вә Јазарлар Вәгфинә бағлы “Диалог Аврасија” Платформуна рәһбәрлик Гафгаз Университетинин деканы Ҹәлил Әрдәм рәһбәрлик етмәкдәдир вә бу шәхс ил јарым әрзиндә итирилән мөвгеләрини бәрпа етмәк үчүн Азәрбајҹан медиасынын гапыларында галыб. Она ән бөјүк дәстәји исә “Заман” гәзетинин Азәрбајҹан бөлүмү (“Заман Азәрбајҹан” гәзети) вермәкдәдир.
Ејни заманда, Түркијәнин баш назири Әһмәд Давудоғлунун сон Бакы сәфәриндә иш адамлары илә ҝөрүшә чағрылмајан ТУСИАБ јенә дә Азәрбајҹанда фәалијјәтини давам етдирмәкдәдир.
Мараглыдыр ки, Азәрбајҹанын сүлалә президенти неҹә дејәрләр бу вә диҝәр дини екстремист груплара гаршы сәрт мөвге нүмајиш етдирсә дә, бәзи мәмурлар һәлә дә онлары горумагда давам едирләр. Президент Админстрасијасынын сабиг шөбә мүдири, ҝәнҹ ҝүләнистләрин имамы Елнур Асланов вәзифәсиндән узаглашдырылса да, һакимијјәт дахилиндәки фәтуллаһчыларын бизнес ортаглары тәрәфиндән һимајә алтына алынды. Рабитә вә Јүксәк Технолоҝијалар Назирлијиндә електрон һөкумәтлә бағлы саһәјә рәһбәр тәјин едиләрәк, дөвләтин бу саһәдәки бүтүн лаһијәләри јенә онун нәзарәтинә верилди. Инди исә артыг тәһлүкәнин совушдуғуну һисс едәрәк, јенидән итирилән мөвгеләрини бәрпа етмәјә чалышыр.
Диггәт: Хәбәрдән истифадә етдикдә мәнбәјә истинад лазымдыр
