Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Русија хүсуси хидмәт органларынын мәлуматына ҝөрә, бу ил ИШИД груплашмасына 300 милјон рублдан чох (4,5 милјон доллардан чох) вәсаит көчүрүлүб.
Бу барәдә “Известија” гәзетинә Русија Федерал Малијјә Мониторинг Хидмәтиндән (Росфинмониторинг) олан мәнбә билдириб.
Мәлумата ҝөрә, һүгуг-мүһафизә органларынын әмәкдашлары пулларын әсасән интернет - сосиал шәбәкәләр вә краудфандинг платформаларындан топландығыны дејибләр.
Мәсәлән, кечән ил “Булгарски Салман” ләгәбли русијалы Суријада террор актларынын төрәдилмәсинә јараглылары ҹәлб едирди вә пуллары електрон пул кисәсинә јығырды. Бундан башга, мүнагишәдә иштирак етмәк үчүн өлкәдән ҝедән шәхсләрә дә пул вәсаити верирләр.
Онлар тез-тез кредит ҝөтүрүр вә ја әмлакларыны сатырлар. Бунунла јанашы истифадәчинин хәбәри олмадығы малијјәләшдирмә формалары да мөвҹуддур, мәсәлән, мүсәлман форумларында баһалы гијмәтә малларын сатылдығы интернет-мағазалар.
Террорчуларын 40 өлкәдән пул алдыглары һесаб едилир.
“Илкин тәһлилә әсасән, чохсајлы әмәлијјатлары ҝөрүрүк. МДБ өлкәләри арасында биринҹи јердә Газахыстандыр, икинҹи јердә Азәрбајҹан, үчүнҹү јердә исә Түркмәнистандыр”, - “Известија”нын һәмсөһбәти вурғулајыб.
Диггәт: Хәбәрдән истифадә етдикдә мәнбәјә истинад лазымдыр
