Бу ҝүн һәзрәти Рүгәјјәнин Шәһадәтинин илдөнүмүдүр

Әһли Бејт (әлејһимус сәлам) -АБНА- Хәбәр Аҝентлији- Һәзрәт Рүгәјјә 3-ҹү Имам һәзрәт Һүсејн ибн Әлинин (әлејһимә сәлам) кичик гызыдыр. Онун анасынын ады Үммү Исһагдыр. Һәзрәт Рүгәјјә Һиҹри Гәмәри тарихи илә 59-ҹу илдә Мәдинә шәһәриндә дүнјаја ҝәлиб. Һиҹри Гәмәри тарихи илә 61-ҹи илдә атасы Имам Һүсејнлә бирликдә Кәрбәлаја сәфәр едир вә Һиҹрәтин 61-ҹи илиндә Мәһәррәм ајында Шама сүрҝү олнур. Сәфәр ајынын 5-индә исә Шам шәһәриндә әсирликдә үч јашындаикән Шәһадәтә чатыр.

Биз АБНА олараг бу һүзүнлү вә гәмли ҝүн илә бағлы башда Имам Заман һәзрәтләри олмагла о һәзрәтин јер үзәриндәки һагг наиби Вәлијји Фәгиһ һәзрәти Ајәтулаһ Хаменеи ҹәнабларына, Али Тәглид МӘрҹәләринә вә дүнјанын бүтүн мәзлумларына баш сағлығы верир вә о Ханымын интигамынын тез бир заманда алынмасыны Аллаһ Тәаладан арзу едирик.

Ханым Рүгәјјәнин һәјатына гыса бир бахыш.

Һәзрәт Рүгәјјәнин (ә) Шамда мәзары мәшһурдур. Онун варлығынын һикмәти вә Шамда дәфн олунмасы, дин дүшмәнләринин әбәди рүсвај олмасына сәбәб олду. Белә ки, һеч кәс Шамда баш верән һадисәләри инкар едә билмәҹәјәк. Она ҝөрә ки, Ханым Рүгәјјәнин (ә) мәзары, гадынларын бу мүгәддәс мәканда әсир олмагларынын әламәтидир. Артыг һеч бир кәс, Шам һадисәләрини дана билмәз.

Һәзрәт Рүгәјјәнин (ә) гәбри, әһли бејтә (ә) олунан зүлмләрә ҹанлы шаһид, сәнәддир. Шөһрәт-јәни 1400 ил бүтүн Мүсәлманларын Шамда һәзрәт Рүгәјјәнин гәбрини танымаглары, Һәзрәт Рүгәјјәнин (ә) гәбринин варлығына дәлилидир вә онун (ә) бу мәканда дәфни Кәрбәла вә даһа сонра исә Пејғәмбәр Аиләсинин гадынларынын вә көрпә ушагларынын әсир ҝөтүрүләрәк Шама апарылмасы тарихин ҹанлы бир әламәтдир. Буна ҝөрә дә, о һәзрәтин гәбри вә мәгамы барәсиндә олан бәзиләринин шәкк вә шүбһәләринә әһәмијјәт вермәк вә диггәт етмәк лазым дејил. Онлар, (һәзрәт Рүгәјјәнин Шамда дәфнинә вә онун мәгамына шүбһә илә јанашанлар), шејтанын аздырдыглары шәхсләрдир. Онлар, мәсәләләрә надан вә ҹаһил олдуглары үчүн, һәгигәтләри дәрк едә билмирләр.


Һәзрәт Рүгәјјәнин (ә) шәһадәти Шам әһлини гәфләт јухусундан ајылдыр

Шамын харабасында һәзрәт Рүгәјјәнин (ә) үрәкјандырыҹы шәһадәтиндән сонра әһли бејт (ә) ханымлары әзадарлыға вә ағламаға мәшғул олдулар. О ҝүн, Шам шәһәринин бүтүн күчәләриндән ағламаг сәси ешидилирди. Артыг Шам әһли гәфләтдән ајылмыш, Пејғәмбәри Әкрәмин (с) әһли бејтинин мәзлумијјәтиндән аҝаһ олмушдулар. Онлар базарлары тәтил етдиләр вә Али-Әбаја (ә) әза сахладылар. Шам әһли дејирдиләр: Анд олсун Аллаһа, биз о башын Һүсејн ибн Әлинин (ә) башы олдуғуну билмирдик. Бизә о башын, Језид әлејһинә чыхмыш, бир нәфәр хариҹинин башы олдуғуну демишдиләр. Ҹамаатын хәбәрдар олмасы хәбәри Језидә чатдыгда, о, Гүран ҹүзвәләринин мәсҹиддә ҹамаата пајланмасыны әмр етди ки, ҹамаат намаздан сонра Гүран охусунлар, бәлкә бунунла имам Һүсејни (ә) онларын јадындан чыхара билә. Амма даһа һеч бир шејлә имам Һүсејни (ә) ҹамаатын јадындан чыхара билмәзди. ("200 дастан әз кәрамат вә мәсајиб һәзрәт Рүгәјјә". Һәгигәтә чатмаг "Мисбаһул-һәрәмејн". Һәгигәтә чатмаг "Сәһабу-рәһмәт", сәһ. 772. )


Биби бунлар бизи мүсәлман билмирләрми ...?

Һәзрәт Рүгәјјәнин (ә) гүслү тамам олдугдан сонра, ону әсирликдә көһнәлмиш елә һәмин өз көјнәји илә кәфән едиб, гүрбәт дијарда, Шамын харабасынын бир күнҹүндә дәфн етдиләр.

Һәзрәт Рүгәјјә (ә) дәфн олунан ҝеҹәси, һәзрәт Үммү Ҝүлсүм һеч ҹүр арам олмурду. О, дајанмадан ағлајыр, налә вә фәрјад едир, харабанын әтрафында ҝәзирди. Әһли бејтин (ә) ханымлары нә гәдәр тәсәлли версәләр дә о, сакитләшмирди. Ондан бунун сәбәбини сорушанда деди: Кечән ҝеҹә Рүгәјјәнин (ә) мәним гуҹағымда јухуја ҝетмәси јадыма дүшүр. Ҝеҹә јарысы јухудан ајылыб ҝөрдүм о, бәрк ағлајыр вә сакит олмур. Ондан сорушдум: Нијә ағлајырсан?

Рүгәјјә (ә) мәнә деди: Бибиҹан, бу шәһәрдә мәним кими әсир олмуш вә ев-ешијиндән узаг дүшән вар? Бунлар бизи мүсәлман билмирләрми ки, чөрәк вә сују биздән әсирҝәјирләр, биз јетимләрә јемәк вермирләр?(Мүнтәхәбут-тәварих".  )

Диггәт: Хәбәрдән истифадә етдикдә мәнбәјә истинад лазымдыр