Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Республикасы Милли Телевизја шәбәкәләриндә Шиәләрин вәһһаби террорчулары илә бир тутулмасы вә Әһли Бејт Мәктәбәнин Али Тәглид Мәрҹәсини шантажлајараг Азәрбајҹан дијарына дүшмән кими танытдырылмасы өлкәдә бөјүк наразычылыға сәбәб олуб.
Белә ки, Талыш Бөлҝәси иҹтимаијјәти тәрәфиндән Азәрбајҹан Республикасы Милли Телевизија вә Радио Шурасынын сәдри Нуширәван Мәһәррәмова телеканалларда шиәләрин тәһгир олунмасына етираз олараг мүраҹиәт едилиб.
Мүраҹиәти тәгдим едирик:
"Азәрбајҹан Республикасы Милли Телевизија вә Радио Шурасынын сәдри Нуширәван Мәһәррәмова Ләнкәран иҹтимаијјәти тәрәфиндән".
Мүраҹиәт
Һөрмәтли сәдр! Биз – Ләнкәран иҹтимаијјәти сизин “Телевизија вә радио јајымы һаггында” Азәрбајҹан Республикасы Ганунунун тәләбләринин позулмасы факты үзрә телевизија каналларынын инзибати иҹраата вә инзибати хәталара даир иҹраатларынызы изләјир вә буну тәгдир Азәрбајҹан Республикасынын 15 мај 2015-ҹи ил тарихли 1281-ЫВГ сајлы Ганунунун 13.2-ҹи маддәсинә, Азәрбајҹан Республикасы Инзибати Хәталар Мәҹәлләсинин 187-1.0.5-ҹи маддәсинә ујғун олараг “АНС” телевизијасынын ефириндә јајымланан верилишләрдә спонсорлугла бағлы ганунвериҹилијин тәләбләринин позулмасы илә әлагәдар олараг, “АНС” телевизијасынын үмумиликдә 54 000 манат мәбләғиндә ҹәримә ҹәзасы тәтбиг едилмәси барәдә гәрар гәбул едилмәси; Ејни заманда “АНС” телевизијасынын ефириндә јајымланан бәзи програмларда шәхсләрин Азәрбајҹан Республикасынын Конститусијасы илә мүәјјәнләшдирилмиш һүгуг вә азадлыгларына һөрмәтлә јанашылмадығыны, инсанларын шәрәф вә лајәгәтинин алчалдылмасына, ишҝүзар нүфузунун ләкәләнмәсинә, биртәрәфлијә јол верилдијини, спонсорлугла бағлы ганунверҹилијин тәләбләринин позулдуғуну нәзәрә алараг, һәмин верилишин бир нечә ҝүн мүддәтинә дајандырылмасы барәдә гәрар гәбул едилмәси бизә үмид верир ки, сизә билдирәҹәјимиз мәсәлә илә дә бағлы доғру гәрар гәбул едәҹәксиниз.
Һөрмәтли сәдр! Сизә билдиририк ки, 7-9 нојабр 2015-ҹи ил тарихләриндә Хәзәр ТВ, АТВ, Спаҹе ТВ вә Лидер ТВ – дә ''Телевизија вә радио јајымы һаггында'' Азәрбајҹан Республикасынын ганун позунтусуна јол верилмишдир. Белә ки, ''Телевизија вә радио јајымы һаггында'' Азәрбајҹан Республикасынын гануну Маддә 3. Телерадио фәалијјәтинин әсас принсипләринә Јајымчы өз фәалијјәтиндә информасијанын әһатәлилији, објективлији, там вә доғру-дүрүстлүјү, вәтәндашларын өз фикир вә бахышларыны сәрбәст ифадә етмәси, идеоложи вә сијаси плүрализм, тәрәфсизлик вә гәрәзсизлик, инсанларын шәхси һәјатына мүдахиләнин јолверилмәзлији, милли-мәнәви дәјәрләрин горунмасы, пешә етикасына вә әхлаг нормаларына риајәт едилмәси, програмларын кејфијјәтлилији принсипләринә әсасланмалыдыр. Бунун зиддинә олараг, тәхминән 80 фаизи өлкәдәки бүтүн дин вә мәзһәбләрә һөрмәтлә јанашан Ҹәфәри (јәни Шиә) олан Азәрбајҹан әһалиси јухарыда адлары ҝөстәрилән телевизија каналлары тәрәфиндән ачыг –ајдын тәһгир олунмуш, дүнја дөвләтләри тәрәфиндән террор тәшкилаты кими елан едилән ИШИД, Боко Һарам вә диҝәр террорчуларла ејни ҝөстәрилмишдир. Бу бүтүн Азәрбајҹан халгына вә Онун Милли Мәнәви Дәјәрләринә гаршы бирбаша һәгарәтдир.
Дүнјада һеч бир дөвләт тәрәфиндән террорист елан едилмәјән Ҹәфәриләри, јәни Шиәләри гәрәзли шәкилдә террорист адландыран бу каналлар әслиндә өз халгыны террорчу адландырмышдыр, чүнки өнҹә дә, гејд етдијимиз кими халгымызын тәхминән 80 фаизи шиәдир. Бу һәрәкәтләрилә Хәзәр ТВ, АТВ, Спаҹе ТВ вә Лидер ТВ Азәрбајҹан дөвләтинин дүшмәнләринин дәјирманына су төкүр. Әмин олун ки, гејри професионаллыгдан ирәли ҝәлән бу ҹүр јајымлардан сабаһ дүшмән дөвләтләр Республикамыза гаршы бир факт кими мәһарәтлә истифадә едәҹәкләр. ''Телевизија вә радио јајымы һаггында'' Азәрбајҹан Республикасынын гануну 32.0.3. Инсанларын шәрәф вә лајәгәтинин алчалдылмасына, ишҝүзар нүфузунун ләкәләнмәсинә јол верилмәмәли, шәхсләрин Азәрбајҹан Республикасынын Конститусијасы илә мүәјјәнләшдирилмиш һүгуг вә азадлыгларына һөрмәтлә јанашылмалыдыр вә 32.0.4. фактлар вә һадисәләр әдаләтли шәрһ олунмалы, биртәрәфлилијә јол верилмәмәлидир маддәсинин зиддинә олараг Хәзәр ТВ, АТВ, Спаҹе ТВ вә Лидер ТВ хәбәрдә ҹинајәти тәсдиг едилмәјән бир илаһијјатчы алимин һеч бир дәлил вә сүбут олмадан ганичән террор лидерләри илә бирликдә шәклинин ҝөстәрилмәси әдаләтдән узаг бир һәрәкәт вә тәк онун дејил, әтрафындакы инсанларын да шәрәф вә лајәгәтинин алчалдылмасы, нүфузунун ләкәләнмәсидир.
Азәрбајҹан Республикасы Гафгаз Мүсәлманлар Идарәси тәрәфиндән гануни шәкилдә өлкәмизә дәвәт олунан вә һәмин идарәнин нүмајәндәләри илә бирликдә өлкәмизин мәсҹид вә зијарәтҝаһлары, Шәһидләр Хијабаныны зијарәт едән бир јашлы Шиә алимин әлини өпмәк һачандан милли мәнәви дәјәрләримизә зидд сајылыр?!
Бу алимин адыны террор лидерләрилә јанашы һалландыран бу каналлар Азәрбајҹан Республикасы Гафгаз Мүсәлманлар Идарәсинин бир террорчуну вәтәнимизә дәвәт етдијиними халга чатдырмаг истәјирләр?...
Нә замандан бир алимин әлини өпмәк террористләрин һеч бир нараһатлыг һисси кечирмәдән ҝүнаһсыз инсанларын башларыны кәсмәсилә бәрабәр тутулур? Һансы террорист бу ҝүнә гәдәр јашлы бир алимин әлини өпүб?! Әксинә ИШИД террорчуларынын бу ҝүнә гәдәр төкдүкләри ганлар вә кәсдикләри башлар онларын бу әмәли вә диҝәр милли-мәнәви дәјәрләримизи бидәт һесаб етдикләринә ҝөрәдир. Бу хәбәр һәм каналын, һәм апарыҹынын вә һәм дә һәмин хәбәри һазырлајанын дини вә елми билҝисизлијини, һәмчинин дүнјада баш верәнләрдән камил шәкилдә мәлуматлы олмадығыны сәрҝиләјир.
Хәзәр ТВ, АТВ, Спаҹе ТВ вә Лидер ТВ садәҹә ''Телевизија вә радио јајымы һаггында'' Азәрбајҹан Республикасынын гануну Маддә 3; 32.0.3. вә 32.0.4. позмагла кифајәтләнмәмиш вә 32.0.9. “милли-мәнәви дәјәрләрин горунмасына ардыҹыл шәкилдә әмәл олунмалыдыр” маддәсини дә позмушдур. Бу һәрәкәтләри бәлкә дә, һансыса даирәләрин сифаришләрини јеринә јетирмәк мәгсәдилә едирләр.
Һөрмәтли сәдр! ''Телевизија вә радио јајымы һаггында'' Азәрбајҹан Республикасынын гануну Маддә 41. Ганунун позулмасына ҝөрә мәсулијјәт барәсиндәдир.
“Бу Ганунун тәләбләрини позан физики вә һүгуги шәхсләр Азәрбајҹан Республикасынын ганунвериҹилији илә мүәјјәнләшдирилмиш гајдада мәсулијјәт дашыјырлар. Буна әсасән адлары, сојадлары вә имзалары бу мүраҹиәтә әлавә олунмуш вәтәндашлар тәрәфиндән Хәзәр ТВ, АТВ вә Спаҹе ТВ барәсиндә өлчү ҝөтүрмәјинизи хаһиш едирик."
Диггәт: Хәбәрдән истифадә етдикдә мәнбәјә истинад лазымдыр
