Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, базар ертәси ахшам Алманијанын јәһуди вә христиан иргчи ПЕҜИДА -“Авропалы вәтәнпәрвәрләр көһнә дүнјанын исламлашдырылмасына гаршыдыр” анти-Ислам чәмијјәтинин минләрлә үнсүрү тәшкилатын Дрезден, Лејптсиг вә Һемнитсдә тәшкил етдији нүмајишләрдә иштирак едибләр.
Мәлуматлара әсасән, тәкҹә Дрездендә ПЕҜИДА аксијасына 12 мин адам топлашыб. Ејни заманда анти-ислам һәрәкатынын рәгибләри күчәјә јалныз 1,3 мин адам чыхартмаға мүвәффәг олублар.
Лејптсигдә тоггушмалар олуб, ПЕҜИДА вә ЛЕҜИДА адландырылан Лејптсиг филиалынын дүшәрҝәсинин тәрәфдашлары онларла Мүсәлмана хәсарәт јетирибләр.
Кечән һәфтә октјабрын 19-да Дрездендә нүмајишә чыхан груплар арасында баш верән тоггушма заманы бир нечә адам, о ҹүмләдән дә мүхбирләр хәсарәт алыб. Дашдан истифадә олунуб, пиротехники васитәләр ишә салыныб, һәтта полисләрә һүҹумлар да олуб.
Кечән базар ҝүнү Фрајбергдә 200-ә јахын полис шәһәрә гатарла ҝәлән вә Дрезден, Лејптсигдә илкин јерләшдирмә мәркәзләринә јола дүшмәк үчүн автобуслара отурмалы олан 700 гачгынын тәһлүкәсизлијини тәмин етмәли олуб.
Диггәт: Хәбәрдән истифадә етдикдә мәнбәјә истинад лазымдыр
