Әһли Бејт (әлејһимус сәлам) -АБНА- Хәбәр Аҝентлији- Ашура ҝүнү Имам Һүсејнин (әлејһи сәлам) мәзлумҹасына шәһид олдуғу ҝүндүр. Ашура Әһлибејт ашигләринин матәм вә кәдәр ҝүнүдүр. Имамлара севҝиси олан һәр бир кәсә лазымдыр ки, бу ҝүндә дүнја ишләринин далынҹа ҝетмәсин, евинә бир шеј алмасын! Өз әзизләринә-гоһумларына гурдуғу матәмдән чох Имам Һүсејн әлејһис-сәлама јас сахласын! Онун, 72 шүһәданын вә әһли әјалынын башларына ҝәләнләри јад едиб әза мәҹлисләри гурсун! Һәмин ҝүн, ахшам намазына 1 саат галана гәдәр јемәк јемәсин, су ичмәсин (оруҹ нијјәт етмәдән). Јемәк јејәндә исә ләзиз јемәк јемәсин!
Имам Рза (ә) бујурмушдур : Һәр ким Ашура ҝүнү дүнја ишләринин далынҹа ҝетмәји тәрк етсә Аллаһ онун дүнја вә ахирәт ишләрини һәлл едәр. Һәр ким Ашура ҝүнүнү өзүнә мүсибәт, һүзн вә ағламаг ҝүнү етсә Аллаһ гијамәт ҝүнүнү онун севинҹ вә фәрәһ ҝүнү едәр. Ҹәннәтдә бизимлә ҝөзү ишыгланар. Һәр ким Ашура ҝүнүнү бәрәкәтли ҝүн адландырыб оруҹ тутса Гијамәт ҝүнү Језид ләнәтликлә бирҝә олар.
Әһлибејтә (ә) мәһәббәти оланлар өз әзизи вәфат едәндә олдуғу кими, тәзә палтар ҝејинмәсин, бу ҝүн ҝүлмәсин, бир-биринин әлини сыхмасын!
Пејғәмбәримиз (с.ә.с) бујурмушдур : Һәгигәтән Һүсејн (ә) һидајәт (доғру јөнәлтмә) чырағы вә ниҹат ҝәмисидир!
Имам Һүсејн (ә) бујурмушдур: Һәр ким бир мөминин чәтинлијини һәлл етсә Аллаһ онун дүнја вә ахирәт чәтинлијини һәлл едәр.
Имам Һүсејн (ә) бујурмушдур: Мән өлүмү сәадәт, залимләрлә бирҝә јашамағы исә ар һесаб едирәм.
Тасуа ҝүнүнүн (Тасуа ҝүнү, Ашуранын ахшамыдыр. Јәни Ашура ахшамынын) әмәлләри.
1. Намазлар
* Бу ҝеҹә үчүн рәвајәтләрдә бир нечә намаз зикр олунмушдур ки, онлардан бири 2 дәнә 2 рикәтли намаздыр. Намазын һәр рикәтиндә "Фатиһә" сурәсиндән сонра 50 дәфә "Ихлас" сурәси охунур. Намазы битирдикдән сонра исә 70 дәфә "Субһанәллаһи вәлһәмду лиллаһи вә ла илаһә илләллаһу валлаһу әкбәр вә ла һаулә вә ла гувватә илла биллаһил алијјул-азим" зикри дејилир.
* Әмирәл мө’минин Имам Әлинин намазы, 4 рәкәт (2 дәфә сүбһ намазы кими) һәр рәкәтдә һәмддән сонра ихлас сурәсини оху. Намаздан сонра Пејјғәмбәримизә вә Әһли бејтинә чохлу салават, онларын дүшмәнләринә исә лә’нәт де .
* Бу ҝеҹәни сабаһа гәдәр әһја сахламаг (ојаг галмаг) Һәдисдә дејилир: "Һәр ким бу ҝеҹәни әһја сахласа Аллаһ Таала үчүн бүтүн мәләкләрин ибадәтини етмиш олар."
* 100 рәкәт намаз. (јә’ни: сүбһ намазы кими 50 намаз) һәр һәрәкәтдә һәмддән сонра 3 ихлас сурәсини (јә’ни: Гулһвәллаһ сурсәини) оху [Нијјәт: Ашура ҝеҹәсинин намазыны гылырам гүрбәтән иләллаһ]. 100 рәкәти гылыб гуртарандан сонра 70 дәфә де: Сүбһанәллаһ вәлһәмдү иллаһ вәла илаһә илләлаһу вәллаһу әкбәр, вәла һовлә вәла гүввәтә илла биллаһил әлијил әзим.
2. Һз.Имам Һүсејнин(ә) гәбри кәнарында әһја сахламаг.
3. Дуа, ибадәт вә истиғфар етмәк.
Ашура ҝүнүнүн әмәлләри:
1. Имам Һүсејн(ә) вә Кәрбәла шәһидләринә әзадарлыг етмәк. Бу барәдә Һз.Имам Рза(ә) бујурур: "Һәр ким бу ҝүн ишләрини кәнара гојарса, Аллаһ-Тәала истәкләринә чатдырар. Вә һәр ким бу ҝүн һүзнә гәрг оларса, Аллаһ-Тәала Гијамәт ҝүнү ону хошһал едәр".
2. Имам Һүсејни(ә) зијарәт етмәк.
3. Бу ҝүн оруҹ тутмаг мәкруһдур. Амма Әср намазынадәк јемәк вә ичмәкдән имтина етмәк бу ҝүнүн әмәлләриндәндир.
4. Имам Һүсејн(ә) зәвварларына су вермәк.
5. 1000 дәфә "Ихлас" сурәсини охумаг.
6. "Ашура" зијарәтини охумаг.
7. 1000 дәфә "Аллаһуммәл`ән гәтәләтәл-Һусејн" зикрини демәк.
Диггәт: Хәбәрдән истифадә етдикдә мәнбәјә истинад лазымдыр
 37_5628dfc334b62.jpg)
