Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, үч ҝүн бундан өнҹә Ираг Силаһлы Гүввәләри вә халг күтләсиндән ибарәт Көнүллү Дәстәләр вәһһаби- сәләфи террорчулара гаршы башладыглары Ләббејк Ја Рәсулләлаһ – 2 әмәлијјатлары нәтиҹәсиндә Сәлаһуддин әјаләтинин Биҹи шәһәрини вә бурада јерләшән Нефт јатагларыны вә Нефт ајырма сәнаје заводуну азғын сәләфи үнсүрләриндән тамамилә паклаја билибләр.
Ирагын террорла мүбаризә идарәсинин спикери бу һагда ачыглама верәрәк билдириб: “Биҹи шәһәри вә орада јерләшән Нефт ајырма сәнаје заводу бир нечә ај ағыр дөјүшләрдән сонра Көнүллү Дәстәләрин көмәклији илә јараглылардан там сүрәтдә азад едилиб.”
Ираг Көнүллү Дәстәләринин баш команданы Кәрим Нури билдириб: “Биҹи әмәлијјаты там сүрәтдә Ираглы һәрбичиләр (дөвләт вә көнүллү дәстәләр) тәрәфиндән апарылмышдыр. Буна ҝөрә дә, гәләбә дә Ираг халгына мәхсусдур.”
Кәрим Нури билдириб: “Ләббејк Ја Рәсулләллаһ – 2 әмәлијјаты там сүрәтдә Ираглылар тәрәфиндән һәјата кечирилиб. Бу әмәлијјатда Ираг Тәһлүкәсизлик Гүввәләри, Ираг Полиси, Һәшду Шәби көнүллү дәстәләри, Ираг Көчәри Тајфалары вә Ираг Һава Гүввәләри иштирак едибләр.”
Гејд едәк ки, әмәлијјатларда јүзләрлә сәләфи террорчусу мәһв едилмиш вә әсир тутулмушдур.
Диггәт: Хәбәрдән истифадә етдикдә мәнбәјә истинад лазымдыр
