Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сурија Милли Ордусу Русија авиасијасынын һава зәрбәләри илә ејни вахтда гондарма “ИШИД” адлы террор груплашмасынын мөвгеләринә интенсив артиллерија зәрбәләри ендириб. Бу заман Русијанын Суријада јерләшдирдији, дәһшәтли дағыдыҹы ҝүҹә малик ТОС-1А “Солнтсепјок” ағыр одсачан системләринин илк дәфә тәтбиг едилдији гејдә алыныб.
Белә ки, системләрин Русија һәрбчиләри тәрәфиндән идарә едилдији дејилир.
Интернетдә јајылан вә вәһһаби террорчулары тәрәфиндән чәкилдији еһтимал едилән видеокадрлардан ҝөрүнүр ки, одсачан системдән ачылан јајлым атәшиндән сонра дағлар арасындакы вадини партлајышлар бүрүјүр.
Белә системләрин мејдана ҝәлмәси дөјүш мејданында Сурија Милли Ордусуна үстүнлүк ҝәтирәҹәк вә бу мөвге дөјүшләриндән гачынмаға имкан верәҹәк.
Дәһшәтли дағыдыҹы ҝүҹә малик олан вә “ҹәһәннәм силаһы” адландырылан одсачан системләрдән термобарик мәрмиләрлә ендирилән зәрбәләрдән хилас олмаг мүмкүн дејил. Бу мәрмиләр дүшдүјү әразидә һәр шеји күлә дөндәрир.
Хатырладаг ки, дүнјада бәнзәри олмајан “Солнтсепјок” одсачан системләри Русијадан башга индијәдәк тәкҹә Азәрбајҹан, Ираг вә Газахыстан силаһлы гүввәләриндә олуб.
Диггәт: Хәбәрдән истифадә етдикдә мәнбәјә истинад лазымдыр
