Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Русија президентинин мәтбуат катиби Дмитри Песков Түркијә президенти Әрдоғанын иттиһамларына ҹаваб верәрәк дејиб: "Русија Федерасијасынын Суријадакы фәалијјәтләринә ҝәлдикдә, бурада әсас мәгсәд Сурија Әрәб Республикасынын әрази бүтөвлүјү вә сијаси бүтөвлүјүнүн горунмасы, һабелә Түркијә Республикасынын сәрһәдләринә гәдәр олан реҝионда стабиллик вә тәһлүкәсизлијин тәмин едилмәсидир".
Д. Песков гејд едиб ки, Суријада һәрби әмәлијјатлар һәм дә Түркијә сәрһәдләриндә АБШ-ын рәһбәрлик етдији коалисија гүввәләринин тәмин едә билмәдији тәһлүкәсизлијин тәмин едилмәсинә јөнәлиб.
“Русија президент ҹәнаб Әрдоғанын фикирләри илә артыг танышдыр. Биз әнәнәви олараг Түркијә Республикасы илә олан икитәрәфли мүнасибәтләримизи јүксәк гијмәтләндиририк. Үмид едирик ки, бу мүнасибәтләр президент Путин вә Әрдоған тәрәфиндән мүәјјәнләшдирилмиш планлар үзрә инкишаф етмәјә давам едәҹәк.”- дејәДмитри Песков гејд едиб.
Диггәт: Хәбәрдән истифадә етдикдә мәнбәјә истинад лазымдыр
