Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ислам Ингилабынын Бөјүк Рәһбәри Әрәфә ҝүнүндә һаҹылара үнванланмыш мүраҹиәтдә Ислам Үммәтинин бөјүк проблемләрини дүнјанын залым гүввәләринин фитнәләри адландырыб вә онларын әлаҹы үчүн дүшүнмәк ваҹиблијини вурғулајыблар.
Дүнја мүсәлманларынын Вәлијји Әмри Һәзрәт Ајәтуллаһулузма Хаменеи Вәлијји Фәгиһин һәҹҹ вә зијарәт мәсәләләри үзрә нүмајәндәси вә иранлы һаҹыларын башчысы Һөҹҹәтулислам Сејид Әли Гази Әсҝәр тәрәфиндән гираәт олунан Бөјүк Һәҹҹ Конгреси мүнасибәтилә вердикләри мүраҹиәтдә вурғулајыблар: Бу ҝүн бир тәрәфдән, мүһарибә, ган ахыдылмасы вә дағынты мәнбәји олан Американын шәр сијасәтләри, диҝәр тәрәфдән дә Фәләстин өлкәсиндә гәсбкарлыг рәфтарыны фәлакәтин ән јүксәк дәрәҹәсинә чатдырмыш сионист режимин ҹинајәтләри бүтүн мүсәлманларын биринҹи мәсәләсидир вә онун барәсиндә дүшүнмәли вә онун гаршысында өз ислами вәзифәмизи танымалыјыг.
Дүнја мүсәлманларынын Вәлијји Әмри бу мүраҹиәтдә әлавә едибләр: Дин алимләри, сијаси вә мәдәни елита даһа ағыр вәзифәјә маликдирләр ки, тәәссүфлә, бир гајда олараг, онлар бу барәдә гәфләтә гапылыблар.
Һәзрәт Ајәтуллаһулузма Хаменеи бујурублар: Дин алимләри мәзһәби ихтилафлар аловуну гызышдырмаг јеринә, сијасиләр дүшмән гаршысында зәифлик ҝөстәрмәк әвәзинә вә мәдәни елита кәнар мәсәләләр илә башыны гарышдырмаг јеринә, Ислам Дүнјасынын бөјүк дәрдини танымалы, јеринә јетирмәк мәсулијјәти дашыдыглары илаһи әдаләт гаршысында өз вәзифәләрини гәбул етмәли вә онун өһдәсиндән ҝәлмәлидирләр.
Дүнја мүсәлманларынын Вәлијји Әмри һаҹылара үнванланмыш мүраҹиәтдә вурғулајыблар: Реҝионда, Ираг, Шам, Јәмән вә Бәһрејндә, һәмчинин Гәрб саһилиндә, Гәззәдә, бәзи диҝәр Асија вә Африка өлкәләриндәки ағладыҹы һадисәләр Ислам Үммәтинин бөјүк проблемләридир вә онда дүнјанын залым гүввәләринин изләрини ҝөрмәк вә онун чарәсини тапмаг ҝәрәкдир.
Һәзрәт Ајәтуллаһулузма Хаменеи әлавә едибләр: Халглар ону өз дөвләтләриндән истәмәлидирләр вә дөвләтләр өз ағыр мәсулијјәтләринә садиг галмалыдырлар; һәҹҹ вә онун әзәмәтли топлантылары бу тарихи борҹун зүһуру вә мүбадиләси үчүн ән үстүн мәкандыр вә бүтүн јерләрдән ҝәлмиш һәҹҹ мәрасими кечирәнләрин иштиракы илә гәнимәт сајылмалы олан мүшрикләрин рәдд олунмасы фүрсәти бу әһатәли мәрасимдә ән бариз сијаси мәрасимләрдән биридир.
Диггәт: Хәбәрдән истифадә етдикдә мәнбәјә истинад лазымдыр
