Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ираг Һизбуллаһынын лидери Әл Һејдәри билдириб: "Америка, исраил вә ИШИД-ин Иранла дүшмәнчилији индијә гәдәр Ислам Ингилабынын доғру бир истигамәтдә ирәлиләдијинә ашкар дәлилдир. Бу сәбәбдән дә, Иран Ислам Республикасынын башда Вәлајәти Фәгиһин гәдрини билмәк һамымызын борҹудур.”
Ҝенерал Сүлејманынын Ирагын сүгут етмәмәсиндәки әһәмијјәтли ролу
Һәр Мүсәлманын вә шәрәфли инсанын Ҝенерал Гасым Сүлејмани илә гүрур дујмасынын лазым олдуғуну сөјләјән Әл Һејдәри дејиб: "Ҝенерал Сүлејмани, бир шаһин кими Самирраны горуду, шәһадәт ашиги олан Иранлы вә Ираглы ҝәнҹләрдә бу уғурда она көмәкчи олдулар. Ајәтуллаһ Сисдәнинин ујғун заманда ҹиһад фәтвасыны вермәси вә Ираглы мөмин ҝәнҹләрин "леббејк" демәләри үчүнҹү бир сәбәб олараг Ирагын дсүгут етмәмәсиндә тәсирли олду. Бу мүгәддәс үчлүјүн варлығы, ИШИД-ин Ирагда мәғлуб олмасынын сәбәби иди.”
Әл Һејдәри даһа сонра Американын бу ҝүн Ирага гаршы һәрби јүрүшләрин јеринә јумшаг вә вәтәндаш мүһарибәси тактикасындан истифадә етмәсинә ишарә едәрәк билдириб: “Америка, бәзи сәлаһијјәтлиләри истәдији мөвгеләрә ҝәтирәрәк Ирагын сијаси системинә нүфуз етмәји һәдәфә алыб... АБШ, әлиндәки бөјүк медиа машыныны ишләдәрәк Ираг халгынын диггәтини електрик вә сујун кејфијјәти кими мөвзулара јөнәлтмәклә инсанларын мүгавимәт вә ҹиһадла бағлы мәсәләләрдән хәбәрсиз галмаларына сәј едир. Анҹаг бүтүн бунлара бахмајараг Ирагын ҝәләҹәји парлаг олаҹаг.”
Дүшмәнләрин һијләләриндән бири дә, Вәлајәти Фәгиһ һаггында пессимист бир бахышы мејдана ҝәтирмәкдир.
Мүсәлманларын арасындакы бирлијин горунмасыны вурғулајан Әл Һејдәри, билдирди: “Гәрб медиасынын мәгсәди Иранын бөлҝәдән тәҹрид едилмәси вә халгын диҝәр Мүсәлманлара гаршы лагејд һала ҝәтирилмәсидир. Вилајәтә бағлылыг вә вилајәт хәттини тәрвиҹ едиб јајымламаг бүтүн Мүсәлманларын вәзифәсидир. Хүсуси бир әлагәјлә бу мөвзуја јахынлашмамыз лазымдыр. Вилајәти Фәгиһә инанан кәсләрин һүҹумлара уғрамалары вә истеһза едилмәләри мүмкүндүр, бу вәзијјәт вилајәт јолунда зиндана ҝирмәкдән, ишҝәнҹә вә сүрҝүн едилмәкдән даһа чәтиндир. Сејид Һәсән Нәсруллаһын инанҹына ҝөрә, Вилајәти Фәгиһ мәсәләси јалныз гәлбән она бағлылы олмагла битән бир мәсәлә дејил, бәлкә о севинҹли икән севинҹли вә кәдәрли икән кәдәрли олмалыјыг.
Ираг Һизбуллаһынын лидери Сејид Һашим Әл Һејдәри, мүгавимәт вә ҹиһад руһијәсинин горунмасыны, дүшмәнин бүтүн һәрәкәтләрини лупа алтына алынмасыны Мүсәлманларын диҝәр ағыр вәзифәләриндән сајараг белә деди: “Бу ҝүн зәфәр вә гәләбәләр дөнәминдә јашајырыг артыг удузмаларын дөврү сона јетмишдир. Бу Гәләбәнин шүкрүнү јеринә јетирмәк үчүн, Иран Ислам Республикасынын вә уҹа Вилајәт вә Рәһбәрлик Мәгамынын гәдрини билмәлијик.”
Диггәт: Хәбәрдән истифадә етдикдә мәнбәјә истинад лазымдыр
