Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Мәккәдә мүәммалы тәрздә баш верән фаҹиәдә дүнјасын дәјишән иранлы зәвварлардан бири космик тәдгигатлар үзрә алим олуб.
Фарс Нјус-ун вердији хәбәрә ҝөрә, бу барәдә Иран Ислам Республикасынын космик тәдгигатлар институту бәјанат вериб.
Бәјанатда космик тәдгигатлар үзрә танынмыш алим вә профессор Әһмәд Һатәминин Мәккәд вәфат етмәси илә бағлы онун аиләси вә иранлылара баш сағлығы верилиб. Билдирилиб ки, өтән һәфтә Мәккәдә ағыр кранын ашмасы нәтиҹәсиндә јаралылара јардым ҝөстәрән алим даһа сонра өзү јараланыб вә хәстәханаја чатдырылдыгдан сонра вәфат едиб.
Иран Ислам Республикасынын рабитә вә јүксәк технолоҝијалар назири дә вәфат едән алимин евинә баш чәкиб.
Диггәт: Хәбәрдән истифадә етдикдә мәнбәјә истинад лазымдыр
