Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Фәләстин баjрағы БМТ-нин тәсисиндән кечән 70 илдә илк дәфә олараг бу тәшкилатын гәрарҝаһы вә онун аидиjjәтли бүтүн гурумларында jүксәләҹәк.
Сәһәр Беjнәлхалг Телевизиjасынын мәлуматына ҝөрә, БМТ Баш Ассамблеjасы ҹүмә ахшамы ҝүнү бир гәтнамә тәсдигләjәрәк дүнjанын 50-дән артыг өлкәсинин тәсисчиси олдуғу "БМТ-нин структурунун ҝүҹләнмәси" мәсәләси илә БМТ-нин Нjу-Јоркдакы әсас гәрарҝаһы вә бу тәшкилатын диҝәр гурумларында Фәләстин баjрағынын санҹылмасыны вурғулаjыб.
Бу гәтнамә ики һәфтә сонра 25 сентjабрда дүнjа өлкәләринин дөвләт башчыларынын иштиракы илә кечириләҹәк БМТ Баш Ассамблеjасынын 70-ҹи иҹласы әрәфәсиндә 50-дән артыг өлкә, о ҹүмләдән Иран Ислам Республикасы тәрәфиндән тәклиф олунмуш вә 119 леһинә, 8 әлеjһинә вә 45 битәрәф сәслә тәсдиләнмишдир.
Бу гәтнамәдә билдирилиб: Фәләстинин 2012-ҹи ил 29 ноjабрда БМТ Баш Ассамблеjасында гәтнамәнин тәсдигләнмәси илә бу тәшкилата геjри-үзв мүшаһидәчи кими сечилмәсини нәзәрә алараг бу өлкәнин баjрағы тәшкилатын әсас гәрарҝаһында диҝәр үзв өлкәләрин баjрагларынын кәнарында санҹылмалыдыр.
АБШ вә Канада вә сионист режим бу гәтнамәнин тәсдигләнмәсинә гаршы чыхыблар.
Сионист режимин БМТ-дәки нүмаjәндәси Ран Просер бу гәтнамә тәсдигләндикдән сонра фәләстинлиләрин уғурундан кәскин наразылыг едәрәк деjиб: Белә гәтнамәнин тәсдигләнмәсиндә әсас мәгсәд jалныз әкс тарихи ҝөтүрмәкдир.
Диггәт: Хәбәрдән истифадә етдикдә мәнбәjә истинад лазымдыр
