Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Әрәбистан гырыҹылары базар ҝүнү ахшам Ҹәуф вилаjәтиндә jерләшән Хәбәт мәнтәгәсинә ракет зәрбәләри ендирибләр. Бу һүҹумлар нәтиҹәсиндә 18 нәфәрин о ҹүмләдән бир нечә ушаг вә гадынын һәлак олдуғу билдирилир.
Јәмәнин орду вә халг гүввәләри исә Әрәбистанын тәҹавүзләринә ҹаваб олараг, Әрәбистанын Ҹизан вилаjәтиндә jерләшән Хубә вә Рәдиф һәрби базаларыны атәшә тутублар. Бу һүҹумлар нәтиҹәсиндә бир нечә Сәудиjә һәрбчиси һәjатыны итириб.
Әрәб коалисиjа гүввәләринин команданлығы бу һүҹумларла бағлы вердиjи ачыгламада 2 һәрбчинин өлмәсини тәсдиг едиб.
Диҝәр тәрәфдән медиа даирәләри Јәмәнли групларла БМТ-нин хүсуси нүмаjәндәси Исмаjыл Вәләд Шеjх арасында, Оманын паjтахты Маскатда данышыгларына апарылмасындан хәбәр верибләр.
Бу мүзакирәләрдә арашдырылан мәсәләләр Јәмәнә гаршы һүҹумларын даjандырылмасы, дәрһал мүвәггәти вә jа даими атәшкәсин елан едилмәси һабелә, Јәмәнин гурудан, судан вә һавадан мүһасирәсинә сон гоjулмасыдыр. Әрәбистан вә мүттәфигләри ҹари илин 26 март тарихиндән Јәмәнә гаршы һүҹумлара башлаjыблар. Вә бу өлкәни там мүһасирәjә алараг, һуманитар jардымларын чатдырылмасына имкан вермирлә.
Диггәт: Хәбәрдән истифадә етдикдә мәнбәjә истинад лазымдыр
