Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Үмумдүнjа Әһл Беjт(ә) Ассамблеjасы үзвләри Ингилаб Рәһбәри илә ҝөрүшүбләр
Һәзрәт Аjәтуллаһүлүзма Хаменеи буjурублар: АБШ-ын игтисади, сиjаси вә мәдәни нүфузу гаршысында вар ҝүҹүмүзлә даjанаҹаг, буна иҹазә вермәjәҹәjик вә онунла мүбаризә апараҹағыг.
Ислам Ингилабынын Бөjүк Рәһбәринин офисинин информасиjа поталынын билдирдиjинә ҝөрә, Үмумдүнjа Әһл Беjт(ә) Ассамблеjасынын Теһранда кечирилән 6-ҹы иҹласы һабелә, Ислами Радио вә Телевизиjа Бирлиjинин 8-ҹи үмуми иҹласынын иштиракчылары бу ҝүн Ислам Ингилабынын Бөjүк Рәһбәри Һәзрәт Аjәтуллаһүлүзма Хаманеи илә ҝөрүшүбләр.
Һәзрәт Аjәтуллаһүлүзма Хаменеи бу ҝөрүшдә реҝионда империалис вә һеҝемончулуг сиjасәтләри илә мүбаризәни Аллаһ jолунда ҹиһадын бариз нүмунәси адландырыб вә АБШ-ын нүвә мүзакирәләриндә әлдә олунмуш нәтиҹәдән Ирана сиjаси, игтисади вә мәдәни бахымдан нүфуз етмәк үчүн суи-истифадә етмәк ҹәһдләри гаршысында мүбаризәjә тәкид едәрәк, деjибләр: Һеҝемончулуг гурулушунун реҝионла бағлы планы ики әсас даjаға маликдир. Бунлардан бири ихтилаф төрәтмәк, икинҹиси исә нүфуз етмәкдир. Буна ҝөрә дә, доғру вә дүзҝүн һүҹум вә мүдафиә стратеҝиjасы илә бу фитнә гаршысында фасиләсиз олараг мүбаризә апармаг лазымдыр.
Ингилаб Рәһбәри Үмумдүнjа Әһл Беjт(ә) Ассамблеjасынын 6-ҹы иҹласынын кечирилмәсинә ишарә едәрәк, деjибләр: Аллаһ jолунда ҹиһад jалныз һәрб вә мүһарибә деjил. Мәдәниjjәт, игтисадиjjат вә сиjасәт меjданында апарылан мүбаризәләрә дә шамил олур.
Диггәт: Хәбәрдән истифадә етдикдә мәнбәjә истинад лазымдыр
