Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ливан кәшфиjjаты илә "Һизбуллаһ" илин ән уғурлу әмәлиjjатыны кечирди
Ливан кәшфиjjаты илә “Һизбуллаһ” мүгавимәт һәрәкатынын бирҝә кечирдиjи хүсуси әмәлиjjат заманы вәһһаби террорчу шеjх Әһмәд әл-Әсир Беjрут Беjнәлхалг Һава Лиманында һәбс едилиб. Тәсдигләнмәмиш мәлумата әсасән, о, Мисирә ҝетмәк истәjәркән сахланылыб. Геjд едәк ки, Әһмәд әл-Әсир 2013-ҹү илдә Ливан ордусуна гаршы Әдра раjонунун Сидон шәһәриндә силаһлы һүҹум тәшкил етдикдән сонра һәбси үчүн Ливан һөкүмәти тәрәфиндән гәрар чыхарылыб.
Әһмәд әл-Әсир Әбра мәсҹидиндә вәһһаби идеолоҝиjасыны jаjмагла вә террорчу чыхышлары илә таныныб. Ливан ордусунун Әбра реҝионунда кечирдиjи әмәлиjjат заманы Әһмәд әл-Әсирин террорчулуғу тәблиғ етдиjи мәсҹиддә вә евиндә ири чаплы вә диҝәр силаһ-сурсат ашкар едилиб.
Террорчу вәһһаби шеjхинин Ливан әразисиндән Суриjаjа гачараг орада фәалиjjәт ҝөстәрән “Нусра Ҹәбһәси” вә диҝәр тероррчуларын jанында сығынаҹаг тапдығы барәдә мәлуматлар верилирди. Әһмәд әл-Әсир Ливан ордусунун әсир ҝөтүрүлән әсҝәрләринин едам едилмәси вә гачырылмасында фәал иштирак едиб. О, Ливанда вәһһабилиjин вә мәзһәбләрарасы гаршыдурманын гыҹыгландырылмасында актив фәалиjjәтдә олуб.
Диггәт: Хәбәрдән истифадә етдикдә мәнбәjә истинад лазымдыр
