Әһли Бејт (әлејһимус сәлам) -АБНА- Хәбәр Аҝентлији- Инсанлар әҝәр Гәдр ҝеҹәсинин гәдрини билсәјдиләр, елә бир нәтиҹә әлдә едәрдиләр ки, бу ҹүр нәтиҹәни дәјәрләндирмәк һеч бир инс, ҹин вә мәләк үчүн мүмкүн олмазды.
“Сән нә билирсән ки, Гәдр ҝеҹәси нәдир? Гәдр ҝеҹәси мин ајдан даһа хејирлидир. О ҝеҹә мәләкләр вә Руһ (Ҹәбраил, ја мәләкләрдән олмајан башга бир шәрәфли варлыг) Рәббинин изни илә (һәмин ҝеҹәдән ҝәлән илин Гәдр ҝеҹәсинәдәк дүнјада баш верәҹәк) һәр бир иш(ин тәгдир, тәнзим вә сабит едилмәсин)дән өтрү јерә енәр”. (“Гәдр” 2-4).
Һәзрәт Пејғәмбәр (с) бујурур: “Бәни-Исрајилдән бир нәфәр дөјүш палтарыны әјнинә ҝејиниб вә мин ај бу палтарда галыр. Аллаһ јолундакы ҹиһадда иштирак етмәк үчүн һазыр олур. Бу кишинин әһвалаты сәһабәләри тәәҹҹүбләндирир. Арзу едирләр ки, бу ифтихар онлара да нәсиб олсун. Гәдр сурәсинин 3-ҹү ајәси назил олур”.
Бир нәфәр Имам Садигә (ә) суал верир: ”Руһ - һәмин Ҹәбрајилдирми?”. Имам (ә) бујурур: “Ҹәбрајил - мәләкдир вә руһ да мәләкдир. Мәҝәр Аллаһ бујурмајыб ки: “О ҝеҹә мәләкләр вә Руһ (Ҹәбраил, ја мәләкләрдән олмајан башга бир шәрәфли варлыг) Рәббинин изни илә (һәмин ҝеҹәдән ҝәлән илин Гәдр ҝеҹәсинәдәк дүнјада баш верәҹәк) һәр бир иш(ин тәгдир, тәнзим вә сабит едилмәсин)дән өтрү јерә енәр””.
“Мин кулли әмр” ајәсини исә белә тәфсир едирләр ки, мәләкләр инсанларын талејини тәјин етмәк вә хејир вә бәрәкәт ҝәтирмәк үчүн назил оларлар.
Гәдр ҝеҹәси елә бир ҝеҹәдир ки, Гуран назил олмушдур вә бу ҝеҹә едилән ибадәт вә әһја мин ајдан даһа фәзиләтли һесаб олунур. Она ҝөрә дә башдан-баша хејир вә бәрәкәтлә долу бир ҝеҹәдир. Һәм бәрәкәт бәндәләрә шамил олар вә һәм дә мәләкләр ҝөјдән јерә енәрләр. Шејтан зәнҹирдә олдуғу үчүн инсанлар ибадәтә хүсуси һәвәс ҝөстәрәрләр.
Имам Багирдән (ә) сорушурлар: “Сиз билирсинизми ки, Гәдр ҝеҹәси һансы ҝеҹәдир?”. Имам (ә) бујурур: “Неҹә билмәјим ки, о ҝеҹә мәләкләр әтрафымызда дөвр вурарлар”.
Нәгл едилир ки, бир нечә мәләк Һәзрәт Ибраһимин (ә) јанына ҝәлир вә өвлады олаҹағы илә мүждәләјир вә Һәзрәт Ибраһим (ә) онлара салам верир. Онун бу саламдан апардығы ләззәт дүнјада олан ләззәтләрә чатмазды. Инди дүшүнүн ки, бу ҝеҹә мәләкләр дәстә-дәстә назил олар вә бизи әһатә едәрләр. Мөминләрә салам верәрләр, нә гәдәр ләззәт вә бәрәкәти олар.
Нә заман Ибараһими (ә) ода атмаг истәјирләр, мәләкләр ҝәлиб она салам верирләр вә атәш сөнүб ҝүлүстана чеврилир. Ҝөрәсән мәләкләрин мөминләрә вердији саламла ҹәһәннәм атәшини дә сөндүрә биләрми?
“Биз ону (бир јердә) чох бәрәкәтли бир ҝеҹәдә (Гәдр ҝеҹәсиндә) назил етдик. Чүнки Биз (Өз әнәнәви ганунларымыза әсасән) һәмишә (аләмдәкиләри) горхудан олмушуг. Һәмин ҝеҹә бүтүн мөһкәм ишләр (илин һадисәләри, о ҹүмләдән ҝәлән Гәдр ҝеҹәсинә кими Гур’анын назил олмасы) бир-бириндән ајрылыр (вә иҹрачы мәмурлара чатдырылыр)”. (“Духан” 3-4).
Мәсумлардан (ә) Гәдр ҝеҹәси һаггында сорушанда дәгиг мәлумат вермәмишдиләр. Белә ки, Һәзрәт Пејғәмбәр (с) Рамазан ајынын сон он ҝүнүнү әһја сахлајарды. Имам Садиг (ә) исә бујурмушдур: “Гәдр ҝеҹәси Рамазан ајынын 21 вә 23-ҹү ҝеҹәсидир”. Нәгл едән бу ики ҝеҹәдән һансынын олдуғуну билмәк истәјир вә дејир: “Әҝәр һәр ики ҝеҹәдә ибадәт едә билмәзсәм, бунлардан һансыны сечим?”. Имам (ә) тәјин етмәмишдир вә бујурмушдур: “Истәдијин шеј үчүн бу ики ҝеҹә неҹә дә асандыр”.
Лакин Мәсумлар (ә) ән чох 23-ҹү ҝеҹәнин Гәдр ҝеҹәси олдуғуна ҝизли дә олса, ишарә етмишдиләр. Гәдр ҝеҹәсинин бу гәдәр ҝизли олмасынын сәбәби будур ки, онун бүтүн ҝеҹәләрини әһја сахлајаг. Неҹә ки, Аллаһ разылғыны итаәтләрин ичиндә ҝизләтмишдир ки, инсанлар бүтүн ибадәтләрә әһәмијјәт версинләр. Гәзәбини ҝүнаһларын арасында ҝизләтмишдир ки, һәр ҝүнаһдан чәкинсинләр. Достларыны инсанларын арасында ҝизләтмишдир ки, һамыја һөрмәт етсинләр. Әзим адыны галан адлары ичәрисиндә ҝизләтмишдир ки, һамысыны бөјүк һесаб етсинләр. Өлүм вахтыны ҝизләтмишдир ки, һәр бир һалда она һазыр олсунлар.
Әмәлләрин гәбул олдуғу бу ҝеҹәнин фәзиләтиндән мәһрум галмајаг.
Диггәт: Хәбәрдән истифадә етдикдә мәнбәјә истинад лазымдыр
