Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Үмүмдүнја Мүсәлманларынын Али Рәһбәри һәзрәт Сејјид Әли Хаменеинин Ираг үзрә нүмајәндәси, Үмүмдүнја Әһли Бејт (әлејһим сәлам) Ассамблејасынын Али Шурасынын үзвү һәзрәт Ајәтуллаһ Һаҹ Шејх Муһәммәд Меһди Асәфи дүнјасыны дәјишиб.
Узун мүддәт мүхтәлиф хәстәликләрдән әзијјәт чәкән Ајәтуллаһ Асәфи ҹәнаблары бу ҝүн сүбһ намазындан сонра Пәрвәрдиҝарына ләббејк дејәрәк Аллаһына доғру гајыдыб.
Бу алим, мүҹаһид вә рәббани би ршәхсијјәтин вәфаты илә әлагәдар Имам Хаменеи һәзрәтләри башсағлығы месажы верибләр.
Ајәтуллаһ Сејјид Әли Хаменеинин месажынын мәтни:
Бисмиһи Тәала
Бөјүк ир тәсүфлә гејд етмәлијәм ки, алим, тәдгигатчы вә мүҹаһид мәрһум Ајәтуллаһ Һаҹ Шејх Мәһди Асәфинин (рәһмәтуллаһи әлејһ) дүнјадан көчмәси хәбәрини алдым.
О, јени тәрз-тәфәккүрлү Фәгиһ, профессионал Теолог, актив јазычы вә иҹтимаијјәтдә тәсир гојмаг габилијјәтинә малик бир шәхсидир…
Һәмчинин онун Ирагда сабиг дөнәмдән иҹтимаи, сијаси саһәләрдәки мүбаризәләри парлаг кечмишинин нүмунәләридир…
Бу алимәгамлы руһанинин диҝәр бариз нүмунәләриндән бири дә, онун дүнја малына рәғбәтсизлији вә өмрүнүн ахырына кими касыб бир тәләбә һәјаты илә разылашараг заһиданә јашамасыдыр. Узун мүддәт Нәҹәфи Әшрәфдә мәним нүмајәндәлијимин мәсулијјәтини гәбул етмәси исә, бојнумда бөјүк һагг гојуб. Үмүд едирәм ки, Аллаһын лүтф вә рәһмәти онун бүтүн елми, дини вә иҹтимаи фәалијјәтләринә шамил олсун.
Онун бүтүн јахынларына, достларына, она мәһәббәт ҝөстәриб елм вә тәгвасындан бәһрәләнән һәр бир кәсә башсағлығы вериб, Аллаһ Тәаладан онун үчүн али мәгам, рәһмәт вә бағышланмасыны арзу едирәм.
Сејјид Әли Хаменеи
14 Хордад, 1394
04 Ијун, 2015
Диггәт: Хәбәрдән истифадә етдикдә мәнбәјә истинад лазымдыр
