Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын тәшкилатчылығы илә Теһранын Зирвә Салонунда бир һәфтә мүддәт әрзиндә кечирилән
Теһран 2015 - 32-ҹи Бејнәлхалг Гуран Мүсабигәләри мүнсифләр һејәтинин бајанаты илә сона јетиб.
Бәјанатын там мәтнин сајтымызын изләјиҹиләринә тәгдим едирик.
بسم الله الرحمن الرحیم
"الحمدلله رب العالمین و الصلاة و السلام علی خیر الانام محمد المصطفی و علی اهل بیته الطاهرین و اصحابه المنتجبین"
"قد جاءکم من الله نور و کتاب مبین. یهدی به الله من اتبع رضوانه سبل السلام و یخرجهم من الظلمات الی النور باذنه و یهدیهم الی صراط مستقیم ( المائده: 15، 16"(
Меһрибан вә Бағышлајан Аллаһын Ады илә
Бүтүн һәмд вә сәналар Аллаһа мәхсусудур, Аллаһын сәлам вә рәһмәти онун ән хејирли бәндәси һәзрәти Муһәммәди Мустәфаја, пејғәмбәрин пак Әһли Бејтинә вә пејғәмбәрин сечилмиш сәһабәләринә назил олсун.
“Аллаһ тәрәфиндән сизә ашкар Китаб вә Нур ҝәлиб. Аллаһ онун васитәси илә өз јолуна табе оланлары сағлам вә әмин-аманлыг бир јолларына јөнәлдир. Онлары зүлмәтләрдән нура чыхардыр вә доғру јола һидајәт едир!”
(Маидә сүрәси, ајә, 15 -16)
Аллаһ Талаја шүкүрләр едирик ки, һиҹри гәмәри тарихи илә 1436-ҹы илин мүбарәк Рәҹәб вә Шәбан ајларында 32-ҹи Бејнәлхалг Гурани Кәрим Мүсабигәләрини Иран Ислам Республикасында кечирдә билдик.
Ислам Дүнјасынын вә глобал әлагәләрин һазыркы мүрәккәб шәраитдә гәрар тапмасы, бизи һамылыгла Аллаһын Кәламы әтрафында ҹәмләшмәјә дәвәт едир. Биз Гуран Кәримин вәһдәт руһијјәли динамик ајәләриндән илһам алараг Аллаһ Кәламынын уҹалмасына вә Мүсәлманларын дүнјада әзәмәт тапмаларына сәбәб олмалыјыг.
Һәгигәт будур ки, Ислам дүшмәнләри Ислам өлкәләри вә мүхтәлиф мәзһәбләр арасында бөјүк вә кичик проблемләр јаратмагла Исламын гүдрәтини зәифләтмәјә чалышырлар. Дүшмәнләримизлә азҹа да олса белә әмәкдашлыг етмәкин өзү бир баша онларын өз чиркин нијјәтләринә чатмағда көмәклик едир. Мүсәлманлар арасында јекдиллији јарада биләҹәк үнсүр мәһз Аллаһын мөһкәм гырылмаз ипиндән, Гурани Кәримдән мөһкәм јапышмагдыр.
Аллаһын ачыг ашкар нуру олан Гурани Кәримин меһвәрлији сајәсиндә мүхтәлиф мәҹлисләрин вә конфрансларын кечирилмәси бу фүрсәти бизим үчүн јарада биләр. 32-ҹи Гурани Кәрим Мүсабигәләри дә бах сөзүҝедән мөвзулардан биридир.
1 - Гуран Мүсабигәләринин бу турунда бәнзәрсиз рекорд әлдә олунуб. Белә ки, 82 өлкәнин Гуран Һафизләри, Гариләри бу мүсабигәләрдә иштирак етмәк ифтихарыны газаныб. Бу өлкәләрдән ҝәлән гонагларын 61 нәфәри Гурани Кәрими Һифздән билән 62 нәфәр исә Гурани Кәрими ҝөзәл сәслә охујан Гариләрдир.
2 - Бејнәлхалг Јарышмаларда мүнсифләр һејәтинин нәзәр вермәләрини техники елементләрин ән әһәмијјәтлиси һесаб едилмәлидир. Бу турда Ираг, Сурија, Ливан, Пакистан, Мисир, Индонезија, Әлҹәзаир вә Күвејт өлкәләриндән сечилмиш 10 бејнәлхалг Гурани Кәрим үзрә һаким мүнсифләр һејәтиндә иштирак едирди. Әлавә олараг Иран Ислам Республикасындан 8 һаким Гуран Мүсабигәләриндәки һакимлијә нәзарәт едирди.
3- Бу турда Иорданија вә ИИР-дан ибарәт нәзарәт һејәти сон нәтиҹәләрин әдаләтли алынмасына көмәклик едирди.
4- Һәр ики саһә -Һифз (Бүтүн Гураны һифздән биләмәк) вә Гираәт (Гураны ҝөзәл сәслә охумаг) үзрә јарышларын үмуми кејфијјәти кечмиш мүсабигәләрлә нисбәтдә даһа да үстүн гәләмә верилди. Бүтүн саһәләр үзрә кечирилән јарышларда галибләрин бир бири илә бал һесабында аз фәргләнмәләри дејиләнләри тәсдигләјир. Бу јарышларын сон мәрһәләсиндә өзүнү даһа да ајдын бирузә верди.
5- Јарышларда мүхтәлиф програмлары танынмыш вә јенејетмә Гариләрин иҹрасы, Ибтиһалхани вә мүсабигәләрин кечирилдији сәһнәдә Илаһи нәғмәләрин охунушу, мүсабигәнин иҹрасына хүсуси Гуран тәравәти вериди.
6- Техники вә иҹраи саһәләрдә бәзи јениликләрин едилмәси, о ҹүмләдән бу мүсабигәнин медиаларда ишигландырылмасы мүсабигәнин имтијазларындан бири иди. Кампјутер васитәси илә, мүсабигәләрин илкин вә сон мәрһәләләриндә јарыш иштиракчылары арасында пүшкүн атылмасы, програмларын дәгиг низамланмасы, ағыллы камјутер системләриндән ҝениш истифадәнин олунмасы, өнҹәдән мүәјјән едилмиш фасиләләрдә јарышларын нәтиҹәләрини салон дахилиндә екран васитәсилә елан етмәк, јарыш иштиракчыларынын сонунҹу балларына бахмаг вә онларын рејтингиндән мәлумтлы оламг, програмда нәзәрдә тутулмуш мүәјјән фасиләләрдә танынмыш Гурани Кәрим гариләринин Илаһи Кәламла салон иштиракчыларыны фејзијаб етмәләрини зикр етмәк олар.
7- Халгын гејд олунан програмда динләјиҹи үнванында хүсуси рәғбәтлә иштирак етмәләри исә, тәгдирә лајигдир. Иран халгынын бу мүсабигәнин програмында иштирак едиб Гурани Кәримә олан әлагәләри иҹтимаијјәтдә Гуран Маарифинин јајылмасына көмәклик едәҹәкдир.
8- Бу јарышларын Милли медиалар тәрәфиндән ҝениш сүрәтдә изләниләрәк, видео вә аидио сүрәтиндә мүхтәлиф тв каналлардан вә сосиал шәбәкәләрдән јајымланмасы гејд олунан бојук Гуран јарышларыны тарихин јаддашына һәкк етди.
Диггәт: Хәбәрдән истифадә етдикдә мәнбәјә истинад лазымдыр
