Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 32-ҹи Бејнәлхалг Гурани кәрим Мүсабигәләринин бағланыш мәрасиминдә чыхыш едән Иран Ислам Республикасынын Спикери Доктор Әли Лариҹани бу нөв мүсабигәләрин Ислами Иран үчүн хејли бәрәкәт ҝәтирдијинә ишарә едәрәк билдириб: “Бу тип мүсабигәләр давамлы олмалыдыр.”
Доктор Лариҹани даһа сонра дејиб: “Әҝәр Гуранын дәјәрли кәламларыны баша дүшмәк истәјириксә мүтләг пак Әһли Бејтин (әлејһимус сәлам) вә Гурани Кәримлә үнсүјјәтдә олан инсанларын бујурдугларына әмл едәк. Чүнки Пејғәмбәрдән сонра Гуранын тәфсирчиләри онлардыр вә Гуранын тәфсиринин бир чох гисми мәһз онларын васитәсилә бизләрә чатыб.”
Ислами Шуара Мәҹлисинин Спикери даһа сонра бөјүк Ирфан шаири Һафиз Ширазинин бир нечә бејт гәзәлини охујараг билдириб: “Имам Һүсејнин јолуну давам етдирмәк истәјән һәр бир кәс билмәлидир ки, јалныз Гурана әмәл етмәклә бу ишин өһдәсиндән ҝәлә биләр. Һафиз Ширазинин дә, Ислам Ирфанындан дәрк етдикләри Гурани Кәримдә дәрин дүшүнҹәләрә вармасындан ирәли ҝәлир.”
Ҹәнаб Лариҹани даһа сонра дејиб: “Әҝәр биз истәјириксә ирадә вә сечимимиз Аллаһын нурани ирадәси илә үст үстә дүшә вә һәр бир тәдбиримиз Илаһи тәдбирә чеврилә ҝәрәк Гурана әмәл едәк.”
О, даһа сонра Ислам Пејғәмбәринин (сәлләллаһу әлејһи вә алиһ) бујуругларына ишарә едәрәк дејиб : “Аллаһын Пејәмбәри бујуруб: Һәр заман ишләриниз гаранлыг ҝеҹә тәкин сизә тәзјиг едәрсә Гурани Кәримә пәнаһ ҝәтирин. Билин вә аҝаһ олун ки, Гуран инсаны ән јахшы јолалара һидајәт едәндир.”
Доктор Әли Лариҹани Ислам үммәтинин мөвҹуд шәраитә дүшмәсинин әсас сәбәбини Гуран вә онун маарифиндән узаг дүшмәләри олдуғуна ишарә едәрәк билдириб: “Әлләри Мүсәлманларын ганларына алудә олан тәкфирчи - екстримист ҹәрјанлар вә диҝәр өлкәләрә һакимкәсилмәк фикриндә олан бөјүк гүдрәтләр кечмиш һијләәҝәр плаларыны дүбарә истифадә едирләр. Биз бу ҝүнә кими бөјүк дөвләтләрин һијләләринә алланмамышыг.”
Иран Ислам Республикасынын Ислами Шура Мәҹлисинин- парламентинин Сипкери даһа сонра дејиб: “Јәмән һадисәси кими бир фаҹиәјә әл атмаг Ислам Үммәтинә јарашан иш дејил. Ислами бир өлкәнин өз тәһлкәсизлијини бәһанә едәрәк бир груп инсанлары өлдүрмәси вә инсанлары сәрҝәрдан вәзијјәтинә ҝәтириб чыхармасы һеч ҹүрә изаһ олунан иш дејил.”
О, даһа сонра дејиб: “Ҝәрәк мүһарибә едиб күтләви инсан гырғынларына әл атан өлкәләрдән суал олуна ки, мәҝәр Ислам бујурмајыб ки, “Мүсәлман Мүсәлманын гардашыдыр”, нәјә ҝөрә онлар дејирләр ки, биз Ирандан горхуруг? Ҝөрәсән Ислам Ингилабы баш тутдугдан сонра Иранын диҝәр бир Ислам өлкәсинә һүҹум етдијинин шаһидими олублар?.”
О, даһа сонра бујуруб: “Биз мүхтәлиф Ислами мәзһәбләрә бөлүнүрүк, Әлламә Тәбатәбаи дә бујурублар ки, бүтүн Ислам фиргәләри Үсули Дин мәсәләсиндә һәтта Фруи Дин мәсәләләриндә дә, бир бириләри илә ортагдырлар.”
Лариҹани ҹәнаблары даһа сонра Ислам Пејғәмбәринин (сәлләллаһу әлејһи вә алиһ) Мераҹ һадисәләриндән бирини стат ҝәтирәрәк Һәдиси Гүдсијә ишарә едиб: “Пејғмбәр ҹәнаблары әршә галхдығы заман ҹәнаб Аллаһдан мөмүнләрин онун јанындакы һөрмәтиндән сорушдугда, ҹәнаб Аллаһ она белә бујурду: “Һәр ким мәни севән бир кәси тәһгир едәрсә ашкара мәнимлә мүһарибәјә галхмышдыр”.”
Диггәт: Хәбәрдән истифадә етдикдә мәнбәјә истинад лазымдыр
