Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Исламчы мәһбусларла бағлы конфранс кечирилди
Бакыда, АИП-ин мәркәзи гәрарҝаһында Сәуд режиминин барәсиндә едам һөкмү чыхардығы Ислам алими Аjәтуллаһ Шеjх Нимрин мүдафиәси, һәмчинин Азәрбаjҹанда ҝүнаһсыз jерә һәбс олунан руһаниләрин; Һаҹы Мөвсүм Сәмәдов, Һаҹы Абҝүл Сүлеjманов, Һаҹы Фәрамиз Аббасов, Һаҹы Тале Бағыров, Һаҹы Елшән Мустафаоғлу, Һаҹы Ҹеjһун Ҹәфәров, АИП-ин Астара шөбәсинин сәдри Руһулла Ахундзадә вә диҝәрләринин һүгугларынын мүдафиәси илә бағлы конфранс кечирилиб. Конфрансда АИП сәдри Һаҹы Елчин Манафов, АИП сәдринин сиjаси мәсәләләр үзрә мүавини Акиф Һеjдәрли, илаһиjjатчы Һаҹы Илһам Әлиjев, "Милли-Мәнәви Дәjәрләр" иҹтимаи бирлиjинин Идарә Шурасынын үзвләри; Һаҹы Талеһ Аббасов, Меһди Мәммәдов, Әлиәкбәр Мәммәдов, Исламчыларын Мүдафиә Комитысинин сәдри Кәрбәлаjи Натиг Кәримов, АИП функсионерләри вә башгалары чыхыш едәрәк Сәудиjjә Әрәбистаны дөвләт иттиһамчыларынын вә мәһкәмәсинин ҝүнаһсыз руһани алиминә гаршы әдаләтсиз вә геjри-инсани давраныш ҝөстәрәрәк едам һөкмүнә мәруз гоjмасыны вә гылынҹла башынын кәсилмәси кими ИШИД террорчуларына бәнзәр гәддарлыгла едам формасынын тәтбиг олунмасы гәрарыны вермәсини кәскин тәнгид етдиләр.
Топланты иштиракчылары, һәмчинин, Азәрбаjҹан зинданларында һәбсхана һәjаты jашаjан вә мөмин инсанларын, руһани алимләрин мәһбәсләрдә мүхтәлиф ишҝәнҹәләрә мәруз галмаларына гаршы ҹидди етираз етдикләрини дилә ҝәтирдиләр. Конфранс иштиракчыларынын гәбул етдикләри бәjанатда Сәудиjjә краллығынын Аjәтуллаһ Шеjх Нимр һаггында чыхардығы едам гәрары кими сәһв аддымдан ҝери чәкилмәси тәләб олунмагла, онун азад едиләрәк Исламын инкишафы вә тәблиғи просесиндә чох әһәмиjjәтли фәалиjjәтинин давам етдирилмәси үчүн шәраит jарадылмасынын зәрурилиjи геjд едилди.
Сәнәддә һабелә өлкәмиздәки мәһбус руһани алим вә мөминләрин азад олунмалары, ҹәмиjjәтә фаjдалы вә әһәмиjjәтли бу инсанларын зинданларда ишҝәнҹәләрә мәруз гоjулмасына сон верилмәклә онларын дини фәалиjjәтләринин давам етдирилмәсиндән өтрү азадлыг һүгугларынын һакимиjjәт тәрәфиндән танынмасы тәләб едилди.
Диггәт: Хәбәрдән истифадә етдикдә мәнбәjә истинад лазымдыр
