Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын Хариҹи Ишләр Назирлијинин сөзчүсү Ханым Мәрзијјә Әфхәм өтән ҝүн кечиртдији медиа конфрансында журналлистләрин бир сыра суаллары ҹавабландырыб.
Иран Ислам Республикасынын нүвә данышыглары барәсиндә гаршы дөвләтләрин гәрарсызлыгларына даир данышан Ханым Мәрзијјә Әфхәм даһа сонра Шиә алиминин Сәуди Әрәбистан режими тәрәфиндән зоракылыгла һәбс едилмәси вә едама мәһкум олунмасына даир верилән суаллары да ҹавабландырыб.
ХИН-н сөзчүсү “Ајәтуллаһ Нумура едам һөкмүнүн верилмәси хәбәри рәсмән тәсдигини тапыбмы вә доғру олдуғу сүрәтдә нә кими һадисәләр баш верә биләр?” суалына белә ҹаваб вериб: “Бу ҝүнә кими гејд олунан мәсәлә илә бағлы јајымланан хәбәрләр бүтөвлүкдә рәсми бир орган тәрәфиндән өз тәсдигини тапмајыб. Биз бу мөвзуја чох һәссас јанашырыг вә үмүд едирик ки, белә бир иш габаға чыхмаја.”
Ханым Мәрзијјә Әфхәми даһа сонра Әрәбистан дөвләти тәрәфиндән белә бир аддымын тәһлүкәли вә гызышдырыҹы олдуғуна ишарә едәрәк билдириб: “Иран Ислам Республикасы бојнуна дүшән өһдәликләрә әсасән адиатлы орган рәсмиләри, мүхтәлиф тәшкилатлар, тәсир ҝөстәрмәк габилијјәтины малик олан шәхсләр вә с. јерләрә мүраҹиәт едәрәк, едам һөкмүнүн иҹрасынын гаршысыны алмаға чалышыр.”
Иран Ислам Республикасынын Хариҹи Ишлләр Назирлијинин сөзчүсү даһа сонра дејиб: “Хариҹи Ишләр Назирлијинин нүмајәндәләри адиатлы мәсул шәхсләрлә даим әлагәдәдирләр ки, едам һөкмү рәсми тәсдигини тапдығы сүрәтдә һөкмүн гаршысы ална билсин.”
Ханым Мәрзијјә Әфхәм сонра дејиб: “Әҝәр белә бир һадисә тәсдигини тапарса бүтүн Ислам Дүнјасы ајаға галхаҹаг. Бу иш тамамилә тәһрикедиҹи бир мәсәләдир. Биз үмүд едирик ки, бу јалныш бир хәбәр олсун. Сәуди Әрәбистан мәсуллары чалышмалыдырлар ки, Ислам Дүнјасында һәтта бејнәлхалг аләмдә белә бир һадисәнин шаһиди олмајаг.”
Диггәт: Хәбәрдән истифадә етдикдә мәнбәјә истинад лазымдыр
