Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сурија, Ираг, Бәһрејн вә Јәмәндә ҝүнаһсыз инсанлары гәтлиам едән, Сәудијјә Әрәбистанын проблемләри артмагдадыр...
Өлкәни бүрүјән үмуми сабитсизлик Сәуд режимини хофландырыб. Белә ки, Әрәбистана гејригануни јолларла һаким кәсилән Сәуд сүлаләсинин шаһзадәси Муһәммәд бин Најјиф бин Әбдүл Әзиз Али Сәудун иштиракы илә, режимин хүсуси тәјинатлы дәстәләри һәрби маневр кечирибләр.
Әрәбистан медиаларынын билдирдијинә ҝөрә, маневрдә 85 зиреһли машын вә бир нечә һәрби верталијот иштирак едиб.
Маневр заманы хүсуси тәјинатлы дәстәләрин әсас өһдәликләри шаһзадәләри мүһафизәт етмәк, партлајыҹы маддәләри ашкарлајыб зәрәрсизләшдирмәк, Һелиборне Әмәлијјатлар (силаһлы гүввәләрин тез бир заманда верталијот васитәси илә, нәзәрдә тутулмуш дөјүш бөлҝәсинә чатдырылма әмәлијјаты), һава десант гүввәләринин әмәлијјатлары, мәһбуслары дашыјан абтобуслара олунан һүҹумун гаршысыны алмаг вә с.-и олуб.
Гејд едәк ки, Сәуди Әрәбистан режими тәрәфиндән белә бир һәрби маневрин вурғуланан миссија илә һәјата кечирилмәси режим башчыларынын өлкәдә баш верә биләҹәк дахили иғтишашларын сәнҝимәмәсиндән һүркүмәләридир.
Диггәт: Хәбәрдән истифадә етдикдә мәнбәјә истинад лазымдыр
