Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Теһранда кечирилән 32-ҹи Бејнәлхалг Гурани Кәрим Мүсабигәсинин ачылыш мәрасиминдә Иран Ислам Республикасынын Президенти Һөҹҹәтүл Ислам вәл Мүслимин Доктор Һәсән Руһани ҹәнаблары чыхыш едиб.
Чыхыш заманы Гурани Кәримин Али Имран сүрәсинин 164 –ҹү ајәсини "لَقَدْ مَنَّ اللّهُ عَلَى الْمُؤمِنِينَ إِذْ بَعَثَ فِيهِمْ رَسُولاً مِّنْ أَنفُسِهِمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِن كَانُواْ مِن قَبْلُ لَفِي ضَلالٍ مُّبِينٍ " (Аллаһ Тәала, мөмүнләрә Китаб (Гурани Кәрим) вә Һикмәти өјрәдиб, Аллаһ Тәаланын ајәләрини тилавәт едәрәк онлары писликләрдән тәмизләјән вә өзләриндән олан бир шәхси онлара Пејғәмбәр тәјин етмәклә мөмүнләрин бојнуна бөјүк бир һагг гојду. Һалбуки онлар бундан габаг ачыг вә ајдын бир зәлаәтдә (азғынлыгда) идиләр.)- охујан Президент Һәсән Руһани ҹәнаблары гонаглары Бөјүк Мәбәс Бајрамы мүнасибәти илә, тәбрик едиб, хариҹи өлкәләрдән “Салмани Фарсинин” дијарына тәшриф ҝәтирмиш гонаглара хош ҝәлмишсиниз дејәрәк һамыны саламлады.
Ҹәнаб Президент даһа сонра билдирди: “Гурани Мәҹид Сәмави Китаб үнванында биз Мүсәлманлар үчүн бир нур вә һидајәт мәнбәси, Һагг вә һәгигәт ардыјҹа олан инсанлар үчүн исә, рәһмәт вә ајдынлыг ресурсудур...
Бахмајараг ки, Аллаһ Ҹәллә Ҹәлалуһ кечмиш үммәтләр үчүн дә, китаблар ҝөндәрмишдир вә бу мәсәләни Гурани Кәрим дә тәсдигләјир, амма Гураны Мәҹидин хас өзәлликләри вардыр ки, диҝәр сәмави китаблардан ону фәргләндирир.”
Һөҹҹәтүл Ислам вә Мүслимин Һәсән Руһани ҹәнаблары Гурани Кәримин Илаһи бир китаб олмасына вә бүтүн сәмави китаблар арасында һәр һансы бир тәһрифдән аманда галмасына јеҝанә китаб олдуғуна ишарә едәрәк билдириб: “Диҝәр сәмави китаблар тарих боју азмыш инсанларын тәһрифи илә үзләшиб, лакин Гурани Кәрим Аллаһ Тәала тәрәфиндән вә Мүсәлман топлумунун чалышганлыглары сајәсиндә Ислам Пејғәмбәринин (сәлләллаһу әлејһи вә алиһ) назәнин гәлбинә назил олдуғу кими горунуб сахланараг бу ҝүн бизим әлимизә ҝәлиб чатмышдыр. Һәтта тарихи мәнбәләрә әсасән Гурани Кәримин сүрәләринин бу ҝүнкү тәртиби Бөјүк Ислам Пејғәмбәринин (сәлләллаһу әлејһи вә алиһ) рәсми ҝөстәришинә там ујғундур.”
Һәсән Руһани даһа сонра вурғулајыб: “Бу ҝүн Ислам Дүнјасында Мүсәлманлар арасында Гурани Кәримин мәтни һагда һеч бир нәзәр ајрылығынын олмамасы Улу Танрынын биз Мүсәлманлара бәхш етдији бөјүк бир төһфвәсидир.”
Доктор Һәсән Руһани ҹәнаблары бүтүн Мүсәлманлар арасында Гуранын ваһид бир дилдә олдуғуна ишарә едәрәк билдириб: “Бүтүн Мүсәлманларын Гурани Кәрими Вәһј Дили илә, назил олдуғу кими охумаглары Ислам Аләминдә вәһдәтин јаранмасына сәбәб олан амилләрдән бири сајлыр. Әҝәр бүтүн милләтләрин Гурани Кәрими (әрәбҹә дејил јалныз) өз ана дилләриндә охмаларына иҹазә верилсәјди онда бу ҝүнкү ҝүнүмздә олан бирлик Мүсәлман Дүнјасында мүшаһидә олунмаздыр.”
Ислам Республикасынын Президенти даһа сонра гејд едиб: “Иҹтимаијјәт Гурани Кәримин дедикләринә әмәл етмәклә, тәгва вә пәрһизкарлыгла Аллаһ Сүбһанәһу Тәаланын рәһмәт сајәсинә говушур. Бахмајараг ки, Гурана бахмагын озү бир ибадәт сајылыр вә Гурани Мәҹиди горујуб сахламагын озү бөјүк бир дәјәрләрдән биридир, лакин әҝәр Гуранын ајәләрини һәјатымызда вә иҹтимаијјәтдә иҹра етсәк бу заман Аллаһын өзәл рәһмәтинә говушарыг.”
Президент Руһани даһа сонра билдириб: “Гурани Кәримин диҝәр бир өзәлики дә, онун бүтүн бәшәријјәт вә һагг ардыјҹа олан инсанлар үчүн һидајәт чырағы олмасыдыр.”
Иран Ислам Республикасынын иҹрачы гүввәси Һәсән Руһани ҹәнаблары даһа сонра гејд едиб: “Гурани Мәҹид Ислам Пејғәмбәринин (сәлләллаһу әлејһи вә алиһ) мөҹүзәси вә биз Мүсәлманларын фәхридир. Биз Гурани Кәрими тилавәт едиб, һифз едәрәк она әмәл етмәклә, будан да үстүнү Гураншүнас олмагла фәхр едирик. Она ҝөрә ки, Ислами бир иҹтимаијјәтин бариз нүмунәләриндән бири дә, Сәмави Китабын ајәләрини охујуб тилавәт етмәкдир. Гураны баша дүшүб, анламаг бизим әсас вәзифәмиздир. Амма бундан да үстүнү Гуранын бујурдугларына әмәл етмәкдир.”
Президент Һәсән Руһани ҹәнаблары вурғулајыб: “Гурани Кәримин биздән сон истәји тәгвалы олуб, Мүсәлманлар арасында вәһдәт вә үлфәти јарадыб, Нәһј әз Мүнкәр вә Әмр бе Мәруф- Халгы писликләрдән чәкиндириб јахшы әмәлләрә сөвгләндирмәк, ибадәт, намаз, оруҹ, һәҹҹ вә с. әсаслары јеринә јетирмәсидир...”
Иран Ислам Республикасынын Президенти Һөҹҹәтүл Ислам вәл Мүслимин Һәсән Руһани ҹәнаблары даһа сонра вурғулајыб: “Диггәтли олмалыјыг ки, ичәриси фитнәкар инсанларла долу олан Мәсҹид үнванында ҝөзәл вә тәшрифати биналар инша едилмәсин. Белә олмасын ки, Шамда – Суријада, Ирагда, Јәмәндә вә Пакистанда екстримист груплар Мүсәлманларын ҹанына дүчар олсун вә биз дә, гырагда сакит дуруб бу ҹинајәтләрин шаһиди олаг.”
Диггәт: Хәбәрдән истифадә етдикдә мәнбәјә истинад лазымдыр
