Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иранын хариҹи ишләр назири Обаманын иддиаларына реаксиjада бунларын өнҹәки әсассыз иттиһамларын тәкрары вә өз мүттәфигләрини сакитләшдирмәк үчүн олдуғуну деjәрәк, билдириб ки, Вашингтон реҝиондакы мүттәфигләрини разы салмаг үчүн ҝүнаһы башгасынын боjнуна атмаға үз тутуб.
Фарс хәбәр аҝентлиjинин мәлуматына ҝөрә, Иранын хариҹи ишләр назири Мәһәммәд Ҹавад Зәриф АБШ президентинин әл-Шәрг әл-Оусәт илә мүсаһибәдә дедиjи сөзләр һагда сөjләjиб: Америка президентинин сөһбәтләри сырф олараг өнҹәки әсассыз иттиһамларын тәкрары вә өз мүттәфигләрини сакитләшдирмәк үчүндүр.
Зәриф сонра деjиб: Бу иддиаларын етибарсызлығы дәфәләрлә сүбут олуб. Бизим реҝиондакы сиjасәтләримиз достлуг вә әмәкдашлығын ҝүҹләндирилмәсинә сөjкәнир вә реҝионда тәһлүкәсизлиjә зәманәт үчүндүр.
Иранын хариҹи ишләр назири бу иддиалары рәдд едәрәк, деjиб: Америка реҝиондакы мүттәфигләрини разы салмаг үчүн ҝүнаһы башгасынын боjнуна атмаға үз тутуб.
Фарс хәбәр аҝентлиjинин мәлуматына ҝөрә, Америка президенти Кемп-Девиддә Фарс Көрфәзи Әмәкдашлыг Шурасына үзв өлкәләрин нүмаjәндәләри илә ҝөрүш әрәфәсиндә бир даһа Ираны терроризмин һимаjәчиси адландырыб вә деjиб ки, Вашингтон өз мүттәфигләри вә марагларыны һимаjә үчүн бүтүн васитәләриндән истифадә едәҹәк.
Диггәт: Хәбәрдән истифадә етдикдә мәнбәjә истинад лазымдыр
