Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, артыг ики илдир ки, Мјанма буддист дөвләти тәрәфиндән Мүсәлман вәтәндашлара гаршы дини дөзүмсүзлүк актлары вә вәтәндашлыг һүгугларынын кәскин сүрәтдә кобудҹасына позулмасы һаллары сәнҝимир.
Өлкә Тәһлүкәсизлик Гүввәләри вә радикал буддист үнсүрләри тәрәфиндән мүхтәлиф зоракылыг һаллары илә үзләшмәли олан Руһинга Мүсәлманлары јүз илләрлә ата- баба јашајыш јерләрини тәрк едәрәк дәниз васитәси илә гоншу өлкәләрә пәнаһ апарырлар.
Мәлумата ҝөрә, 500 Руһингалы Мүсәлман кичик гајыгларла Индонезијанын шимал суларындан кечәрәк Малазијаја пәнаһәндә олмаг истәјәркән хилас олунублар. Белә ки, Аче әјаләти суларында артыг бир нечә ҝүн сәрҝәрдан олан гајыг Индонезија Фөвгаләдә Һаллар Назирлијинин әмәкдашлары тәрәфиндән хилас олунуб.
Диггәт: Хәбәрдән истифадә етдикдә мәнбәјә истинад лазымдыр
