Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иранын нефт назири Алманиjанын хариҹи ишләр, енерҝетика вә игтисадиjjат назирләри илә ҝөрүш мәгсәдилә бу ҝүн Берлинә дахил олуб.
Бижән Намдар Зәнҝәнә бу ҝүн Алманиjа канслеринин мүавини вә Алманиjа игтисадиjjат назири Габриел илә бу өлкәнин Игтисадиjjат Назирлиjи бинасында ҝөрүшмәли вә ондан сонра 2015-ҹи ил Енержи Тәһлүкәсизлиjи иҹласында иштирак едәрәк, иштиракчыларын суалларыны ҹавабландырмалыдыр.
Бу мәлумата әсасән, Иранын нефт назири ҹүмә ҝүнү дә Алманиjанын нефт ширкәтләри мүдирләрини мүштәрәк сәһәр jемәjинә дәвәт етмәлидир. О, сонра Алманиjанын хариҹи ишләр назири илә ҝөрүшмәлидир.
Зәнҝәнәнин Алманиjаjа сәфәри Анҝела Меркел дөвләтинин нүвә разылашмасындан сонра Иранла әлагәләри ҝенишләндирмәjә мараглы олдуғуну билдирмәсиндән сонра һәjата кечир. Индиjәдәк Алманиjанын енержи, поладгаjырма вә әҹзачылыг ширкәтләри Иранла әмәкдашлыға мараг ифадә едибләр.
Диггәт: Хәбәрдән истифадә етдикдә мәнбәjә истинад лазымдыр
