Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Һиндистан һинду режиминин ишғалында олан Кәшмирин Паһалгам бөлҝәсиндә бир сыра мүлки вәтәндашларын өлүмү илә нәтиҹәләнән сон сүни террор акты инди Һиндистан һөкумәти тәрәфиндән өлкәнин мүсәлман иҹмасына гаршы узунмүддәтли тәзјиг, репрессија вә маржиналлашдырма сијасәтини инкишаф етдирмәк үчүн бәһанә кими истифадә олунур.
Һиндистан һинду һөкумәти милли тәһлүкәсизлик нараһатлыгларыны әсас ҝәтирәрәк, тәкҹә шүбһәли шәхсләрә дејил, һәм дә Кәшмирдә вә өлкәнин диҝәр бөлҝәләриндә садә инсанлара тәсир едән јени репрессија кампанијасына башлајыб.
Һиндистанын милләтчи медиасы дәрһал Пакистанлылары вә Кәшмир мүсәлманларыны һүҹума ҹәлб едәрәк, өлкәнин медиа мәнзәрәсини бүтүн Һиндистан Мүсәлман иИмасыны иттиһамлара вә шүбһәләрә мәруз гојан објектә чевирди. Бу һәрәкәт иҹтимаи бирлијин зәифләмәсиндә вә мүсәлманлара гаршы зоракылыг мүһитинин јарадылмасында тәсирли рол ојнады.
Бу өнҹәдән һазырланмыш сүни террор һүҹумдан сонра Һиндистан буддист режими Кәшмирдә һәрби вәзијјәт елан етди, рабитә әлагәси кәсилди, мүшаһидә учушлары артырылды, 2000-дән чох кәшмирли һәбс олунду, һүҹуму төрәдәнләрин “мүәјјән едиләрәк һәбс едилмәси” үчүн ҝениш тәдбирләрә башланылды.
Мәлуматлар ҝөстәрир ки, һүҹумчуларла әлагәли олдуғу иддиа едилән ҝүнаһсыз мүсәлманларын евләри ҝениш шәкилдә дағыдылыб. Әслиндә, бу һадисә екстремист һинду групларына Мүсәлманлара гаршы зоракылығы ҝүҹләндирмәк имканы верди. Вә сон мәгсәд дә бу иди...
Һүҹумдан сонракы ҝүнләрдә Уттар Прадеш, Карнатака вә Мадһја Прадеш дә дахил олмагла Кәшмирдән узаг әјаләтләрдә мүсәлманларын тәгиб едилдији барәдә хәбәрләр јајылыб.
Бу һүҹумлара дүканларын дағыдылмасы, евләрин јандырылмасы вә диндарларын дөјүлмәси дахилдир. Һәмчинин бәзи Кәшмирли тәләбәләрин һүҹума мәруз галараг евләрини тәрк етмәк мәҹбуријјәтиндә галмасы, Һиндистанда һиндуларын иҹтимаи рәјинин һадисәдән сонра шиддәтли атмосфердән тәсирләндијини ҝөстәрир. Бәзи һалларда һәтта Ислами Һиҹаб да екстремизмлә әлагәләндирилмиш вә мүсәлманларын даһа да тәҹрид олунмасына јол ачмышдыр.
Садаланан анти-Ислам һәрәкәтләрин бир чоху елә бир һалда баш вериб ки, тәһлүкәсизлик гүввәләри онларын гаршысыны алмаг үчүн һеч бир мүдахилә етмәјиб вә буна ҝөрә дә Һиндистан һөкумәтинин мүсәлманлара гаршы зоракылыға шәриклији вә ја биҝанәлији нараһатлыглары артырыб.
Һәмчинин, сон ҝүнләр Һиндистанда бәстәләнмиш вә јајымланан анти-Ислам вә гызышдырыҹы маһнылар далғасы өлкәнин медиа мәканыны долдурмуш вә мүсәлманлара гаршы нифрәти артырмышдыр.
Сүрәтли ритмләрә вә ҹазибәдар гафијәләрә гурулан маһнылар сон һүҹума ҝөрә шиддәтли гисас алмаға чағыран "Һиндутва поп" кими танынан жанрын бир һиссәсидир.
Мәсҹидләрин дағыдылмасы
Мүсәлманларла јанашы, Ислами мәканлар вә Мәсҹидләр дә екстремист һидуларын һүҹумларындан вә бәзи јерли һакимијјәт органларынын ајры-сечкилик һәрәкәтләриндән горунмајыб. Уттар Прадеш, Карнатака вә Мадһја Прадеш штатларындан ҝәлән хәбәрләр јерли һиндуларын ја тәһлүкәсизлик гүввәләринин пәрдәси алтында, ја да лагејдликләринин көлҝәсиндә Мәсҹидләрә һүҹум етдијини ҝөстәрир. Бу һүҹумларда дини структурларын дағыдылмасы, Мәсҹидин, хариҹ вә дахилиндәки әшјаларынын јандырылмасы вә ибадәт едәнләрин тәгиб едилмәси, репресијалара мәруз галмасы дахилдир. Бәзи һалларда тәһлүкәсизлик гүввәләри асајиши горумаг бәһанәси илә Мәсҹидләри бағлајыб вә ја мүһасирәјә алараг мүсәлманлары ибадәт етмәкдән чәкиндирибләр.
Уттар Прадеш штатынын һөкумәти азы 20 мәсҹиди вә Ислам мәктәбләрини виран едиб. Јерли һакимијјәт органлары бу тәдбирләрин “Мәнфәәт Верҝиси” Ганунунун 67-ҹи маддәсинә әсасән вә ганунсуз тикилиләрә гаршы мүбаризә бәһанәси илә һәјата кечирилдијини ачыглајыб.
Уттар Прадешин Шравасти шәһәриндә дә 17 гејри-рәсми мәктәб, Сиддһартһа Наҝар бөлҝәсиндә исә һөкумәт торпагларында јерләшән бир нечә Мәсҹид вә Ислам мәктәби сөкүлүб. Дин алимләри вә мүсәлман лидерләрә дә сијаси чыхышлардан чәкинмәләри барәдә хәбәрдарлыг едилиб.
Һиндистан һакимијјәти Мәсҹидләрин террор фәалијјәти илә әлагәси сәбәбиндән дағыдылдығыны иддиа етсә дә, јерли сакинләр бу иддиалары рәдд едәрәк буну коллектив ҹәза вә репресија адландырырлар.
Мүшаһидәчиләр Һиндистан һөкумәтинин бу аддыларыны мүсәлман азлығын дини вә тәһсил мүәссисәләринин систематик шәкилдә сыхышдырылмасы вә Һиндистанда дини кимлијин арадан галдырылмасы ҹәһди кими гијмәтләндирирләр.
Өлкә әһалисинин 200 милјондан чохуну тәшкил едән Һиндистан мүсәлманлары инди елә бир мүһитдә јашајырлар ки, онлар өзләрини нәинки тәһлүкәсиз һисс етмир, һәтта һәр һансы һадисә онлара гаршы зоракылыг үчүн бәһанә олур.
Мүсәлман лидерләри вә һүгуг мүдафиәчиләри дәфәләрлә хәбәрдарлыг едибләр ки, һинду екстремист груплары террор һүҹумларындан сонра јаранмыш емосионал атмосфердән истифадә едир вә мүсәлманлары дахили дүшмән кими ҝөстәрмәјә чалышырлар. Вә бүтүн бу ҹинајәтләр екстремист медиа вә бәзи јерли һакимијјәт органлары тәрәфиндән дәстәкләнәрәк ҝүҹләндирилир.
Мүсәлманлара гаршы систематик зоракылыг дөврү
Һиндистан һинду режими өз һәрәкәтләрини терроризмлә мүбаризә васитәси кими әсасландырса да, етник вә дини әдавәти тәблиғ етмәклә ҝениш Мүсәлман иҹмасынын һәдәфә алынмасы әслиндә мәгсәдләри мәзһәб ихтилафларыны гызышдырмаг вә реҝионда сабитлији позмаг олан амилләрин, тәкфирчи групларын вә ола билсин ки, бу ҹүр террор актларында иштирак едән диҝәр хариҹи үнсүрләрин хејринәдир.
Мүсәлманлар вә һиндулар әсрләр боју јан-јана сүлһ шәраитиндә јашајыблар вә Һиндистан Мүсәлман Иҹмасы тәкфирчи бахышлара гаршы чыхыр вә онлара гаршыдыр. Бунунла белә, сағчы вә екстремист һинду һәрәкатларынын тәзјиг сијасәтләри практикада һиндуист тәкфирчи фикирләрин тәблиғинә рәваҹ верир. Она ҝөрә дә вәтәндаш ҹәмијјәти фәаллары хәбәрдарлыг едибләр ки, бу ҹүр тәдбирләр тәкҹә сосиал ҝәрҝинлик јаратмыр, һәм дә азлыгларын һаким структура инамыны ҹидди шәкилдә сарсыдыр.
Бу һадисәдән сонра һинду екстримистлринин вә һакимијјәт орҝанларынын Мәсҹидләрә вә дини мәканлара гаршы давам етдирдикләри зоракылыг Һиндистанда дини бирҝәјашајыш үчүн ҹидди һәјәҹан тәбили чалыр вә тәнзимләјиҹи, мәһкәмә вә бејнәлхалг гурумларын дәрһал мүдахиләсини тәләб едир.
Башга сөзлә, Һиндистанда дини гүтбләшмә гыса мүддәтдә һаким партијаја хејир верә биләр, амма узунмүддәтли перспективдә сосиал наразылыға, етник иғтишашлара, милли бирлијин зәифләмәсинә ҝәтириб чыхараҹаг. Һиндистанын дини мүхтәлифлији гаршыдурма аләтинә чеврилсә, милли сәрвәт дејил, өлкәнин тәһлүкәсизлији үчүн тәһдид олаҹаг.
Бејнәлхалг мүшаһидәчиләр һесаб едир ки, Кәшмирә һүҹумдан сонра Һиндистанын Мүсәлман иҹмасына гаршы репрессијалар тәһлүкәсизлик ҹавабы сәвијјәсиндән кәнара чыхыб вә һаким партијанын сијаси-идеоложи лајиһәсинин бир һиссәсидир. Кәшмирин мухтаријјәтинин ләғви, ајры-сечкилик характерли вәтәндашлыг ганунларынын гәбулу, һинду дәстәләринин Мүсәлманлара гаршы зоракы һәрәкәтләринә мәһәл гојмамаг кими милләтчи шүарлара архаланараг сон илләрдә чохсајлы аддымлар атан бу партија инди дә ејни јанашманы давам етдирир.
Бүтөвлүкдә, Кәшмир һүҹуму милли бирлик вә террора гаршы гануни мүбаризә үчүн фүрсәт олмаг әвәзинә, мүсәлманлара гаршы репрессија вә зоракылығын һәрәкәтвериҹи гүввәсинә чеврилиб.
Һөкумәтин һәрәкәтләри вә ајры-сечкилик рәвајәтләри нәинки һеч бир тәһлүкәсизлик мәсәләсини һәлл етмир, һәм дә мәзһәб вә дини ајры-сечкилији дәринләшдирә, сосиал вә сијаси бөһранлара ҝәтириб чыхарыр. Мөвҹуд тенденсијалар давам едәрсә, Һиндистан дахили гејри-сабитлик, бејнәлхалг тәҹрид вә онилликләр әрзиндә һөкм сүрән динҹ дини бирҝә јашајышын дағылмасы перспективинә һазыр олмалыдыр.
Сонда гејд етмәк лазымдыр ки, Кәшмир һүҹумундан сонра Һиндистанда баш верәнләр тәһлүкәсизлик ҹавабы чәрчивәсиндән кәнара чыхыб вә мүсәлманлара гаршы етник вә ајры-сечкилик сијасәтинин ҝүҹләнмәсинин нараһатедиҹи әламәтидир.
Ҝениш јајылмыш репрессијалар, дини објектләрин дағыдылмасы, екстремист рәвајәтләр нәинки тәһлүкәсизлији јахшылашдырмыр, һәм дә сосиал вә дини тәфригәләри дәринләшдирир.
Бу тенденсијанын давам етмәси Һиндистанда динләрин тарихи бирҝәјашајышыны тәһдид едир, өлкәни дахили бөһранлара, ҝениш етиразлара вә бејнәлхалг тәҹрид вәзијјәтинә салыр. Һиндистанда дахили тәһлүкәсизлик јалныз дини мүхтәлифлији, әдаләти, ганунун алилијини горумаг вә екстремизмдән чәкинмәклә мүмкүндүр.
Sizin rəyiniz