Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Јәмән Силаһлы Гүввәләринин Сөзчүсү өлкәнин һава һүҹумундан мүдафиә гүввәләринин Америкаја мәхсус он сәккизинҹи МГ-9 пилотсуз тәјјарәсини вурдуғуну ачыглајыб.
Ҝенерал Јәһја Сәри чәршәнбә ҝүнү вердији ачыгламада АБШ-ын Јәмәнә гаршы тәкрар тәҹавүзү вә бир нечә јәмәнли вәтәндашын шәһид олмасы вә јараланмасына ҹаваб олараг Јәмәнин һава һүҹумундан мүдафиә гүввәләринин Әл-Ҹәва вилајәтинин һава мәканында дүшмәнчилик миссијасы јеринә јетирән Американын МГ-9 пилотсуз тәјјарәсини дармадағын етдијини билдириб.
О, бу әмәлијјатын јерли истеһсал олан ујғун ракетлә һәјата кечирилдијини билдириб.
Ҹәнаб Јәһја Сәри әлавә едиб: Бу, Јәмән силаһлы гүввәләринин сон 10 ҝүндә вурдуғу үчүнҹү Америка пилотсуз тәјјарәсидир вә үмумиликдә, Вәд едилмиш Фәтһ дөјүшүнүн вә Јәмән ордусунун Гәззәјә дәстәк үчүн башлатдығы мүгәддәс ҹиһадын әввәлиндән бу ҝүнә кими 18 Америка истеһсалы олан МГ-9 пилотсуз тәјјарәси вурулуб.
Гејд едәк ки, мартын 15-дә АБШ президенти Доналд Трамп АБШ һәрбчиләринә Јәмәндә Әнсар Аллаһа гаршы “бөјүк һүҹум” әмри вердијини ачыгламыш вә Әнсар Аллаһы “тамамилә мәһв етмәклә” һәдәләмишди.
Бу гәрардан сонра АБШ Јәмән әразисинә чохсајлы һүҹумлар һәјата кечириб вә индијәдәк онларла динҹ сакинин шәһид олмасы вә јараланмасы илә нәтиҹәләниб. Бунун мүгабилиндә Јәмән силаһлы гүввәләри бу һүҹумлара ҹаваб олараг Вашингтонун ҝәмиләрини һәдәфә алыб.
Sizin rəyiniz