Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Африканлн даһи мүбаризи вә Ҹәнуби Африкада апартеидә гаршы дахили мүгавимәтин лидери вә Ҹәнуби Африканын илк президенти олмуш Нелсон Манделанын нәвәси Мандела Мандела Ислам милләти шәһидләри, шәһид Сејид Һәсән Нәсруллаһ вә Сејид Һашим Сафиуддин-ин әзәмәтли дәфн мәрасиминдә иштирак едәркән билдириб:
“Биз индиҹә улу өндәримиз шәһид Сејид Һәсән Нәсруллаһын шәһадәт јерини зијарәт етдик. Онлар (сионистләр) ону шәһид етдиләр, лакин онун идеја вә дүшүнҹәләри бүтүн дүнјада азадлыг уғрунда мүбаризә апаран һәр бир мүбаризин гәлбиндә вә бејниндә әбәди галаҹаг. Ҹәнуби Африкада дедијимиз кими, О, өлмәјиб, чохалыб. Биз бу гәһрәманын хатирәсини вә онун шүҹаәтини еһтирамла анырыг вә Һизбуллаһ рәһбәрлијинә вә үзвләринә Мәсҹидүл-Әгсаны, Гәзза халгыны вә бүтүн Фәләстин мүгавимәтини ҹәсарәтлә мүдафиә етдикләринә ҝөрә тәшәккүр едирик.”
Бу ҝөркәмли Ҹәнуби Африка хадими империализм вә глобал тәкәббүрлә мүбаризәдә, еләҹә дә Фәләстинә дәстәкдә “Биз өз сөзүмүздәјик” шүарынын әһәмијјәтиндән данышараг дејиб:
“Бу шүарла ҺӘМАС вә Ислами Ҹиһад Һәрәкатынын башчылыг етдији Фәләстин мүгавимәт груплары, Ливанда Һизбуллаһ, Јәмәндә Әнсаруллаһ, Иран Ислам Республикасы вә бөлҝәдә Фәләстинин мүбаризәсинә дәстәк верән һәр кәс дә дахил олмагла, ишғал олунмуш Фәләстинин азад едилмәси үчүн мүбаризә апаран һәр кәсә там дәстәјимизи билдиририк.”
О, даһа сонра вурғулајыб:
“Дүнјанын ҹәнубдакы һәр кәси, Фәләстин мүгавимәтини дәстәкләмәк үчүн ҹәсарәтли мөвге тутмаға чағырырыг. Онларын һамысы һеч бир горху кечирмәдән бу јолда дөнмәз галан, Гәрб империализми үзәриндә гәләбәјә инанан вә буну әмин һесаб едән шәһид Сејид Һәсән Нәсруллаһын шүҹаәтини нүмунә ҝөтүрмәлидир.”
Мандела Мандела Ислам милләти шәһидләринин рәһбәринин дәфн мәрасиминдә дүнјанын мүхтәлиф гитәләриндән инсанларын чохлу иштирак етмәсини вә шәһид Сејид Һәсән Нәсруллаһ мәктәбинин бүтүн гәлбләри вә гитәләри фәтһ едә билдијини хатырлајараг дејиб:
“Дүнјанын һәр јериндә ҝеҹә-ҝүндүз ардыҹыл кечирилән митингләрдә, етираз аксијаларында, сионист режимә гаршы бојкот кампанијаларында, Фәләстин халгына дәстәк јүрүшләриндә иштирак едән милјонларла азадлыгсевәр инсана тәшәккүр едир вә онлара билдиририк ки, сизин сәсиниз Гәззада, Иордан чајынын гәрб саһилиндә вә Бејрутда ешидилир вә ин шә Аллаһ гәләбә јахындыр.”
Нелсон Манделанын нәвәси сонда чыхышыны мүһарибәнин уҹбатындан чәтин вәзијјәтә дүшмәсинә вә дүшмәнин онлара гаршы тәтбиг етдији мүһасирәјә бахмајараг, анти-империалист тәдбирләри давам етдирән Јәмән халгы вә рәһбәрлијинин ҹәсарәтли мөвгејинә һөрмәт вә рәғбәт бәсләмәклә јекунлашдырыб.
Sizin rəyiniz