Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Үмүдүнја Мүсәлманалрынын Али Лидери вә Ислам Ингилабынын Али Мәгамлы Рәһбәри һиҹри 1404-ҹү илин башланғыҹы илә бағлы Новруз Бајрамы мүраҹиәтиндә јени или “Истеһсал үчүн сәрмајә” или адландырыб.
Һәзрәт Ајәтуллаһ Хаменеи Новрузун-Јени илин башланғыҹынын Гәдр ҝеҹәләри вә Әмирәл-мөминин Һәзрәт Имам Әлинин (әлејһи сәлам) шәһадәт ҝүнләри илә ејни вахта дүшмәсинә ишарә едәрәк, үмидвар олдуғуну билдириб ки, Гәдр ҝеҹәләринин бәрәкәти вә Мөвләл Мүттәгин һәзрәти Әлинин инајәти әзиз Иран халгына вә Јени илинин Новруз бајрамы илә башлајан бүтүн инсанлара чатаҹагдыр.
О, 1403-ҹү Һиҹри Шәмси илини 1360-ҹы илләрин һадисәләринә бәнзәр ардыҹыл һадисәләрлә долу, халг үчүн мәшәггәт вә чәтинликләрлә мүшајиәт олунан бир ил һесаб едәрәк бујурублар:
“Өтән ил бир сыра иранлы мүшавирләрин Дәмәшгдә шәһадәти, даһа сонра Иран халгынын севимли президенти ҹәнаб Рәисинин шәһадәти вә ондан сонра Теһран вә Ливанда баш верән аҹы һадисәләр Иран халгынын вә Ислам үммәтинин дәјәрли шәхсијјәтләринин итирмәсинә сәбәб олду.”
Ислам Ингилабынын Рәһбәри 1403-ҹү илдә баш верән диҝәр һадисәләр арасында хүсусилә илин икинҹи јарысында баш верән игтисади проблемләрин вә доланышыг чәтинликләринин тәзјигини садалајараг гејд етдиләр:
“Бу проблемләр гаршысында бөјүк вә гәрибә бир феномен ортаја чыхды: Иран халгынын ирадәсинин ҝүҹү вә мәнәви руһу, онун јүксәк сәвијјәли бирлији вә һазырлығы өзүнү бүрузә верди. Онун илк тәзаһүрү президентин итирилмәси вә бу бөјүк итки гаршысында о нәһәнҝ дәфн мәрасиминдә халгын сәсләндирдији шүарлары вә јүксәк әһвал-руһијјәси олду ки, бу да ағыр бәланын халгда зәифлик һисси јаратмаға гадир олмадығыны бир даһа ҝөстәрди.”
Имам Хаменеи һәзрәтләри, бу ағыр иткидән дәрһал сонра президент сечкиләринин гануни мүддәт әрзиндә сүрәтлә кечирилмәсини, президент сечмәк вә һөкумәт гурмагла өлкәнин идарәчилик бошлуғундан чыхарылмасыны иранлыларын јүксәк мәнәвијјатынын вә мәнәви габилијјәтинин нөвбәти тәзаһүрү адландырыб вә милләтин мәнәви-әхлаги ҝүҹүнүн тәзаһүрүнүн башга бир саһәсини сәҹијјәләндирәрәк бујурублар:
“Ливан вә Фәләстин халгларынын проблемләри илә үзләшән Иран халгы бөјүк сәхавәтлә Ливан вә Фәләстиндәки дин гардашларына бөјүк бир иҹтимаи јардым ҝөндәрди.”
Ајәтуллаһ Хаменеи һәзрәтләри Мүгавимәтә халгын һејрәтамиз төһфәләрини, хүсусән дә иранлы гадынларын сәхавәтли гызыл ианәсини өлкә тарихиндә галыҹы вә унудулмаз һадисәләрдән һесаб едиб вә вурғулајыблар:
“Милли ирадә вә гәтијјәтин ҝүҹү, халгын һазырлығы вә мәнәви ҝүҹү әзиз Иранын ҝәләҹәји вә әбәдијјәти үчүн дәјәрли сәрвәтдир вә Аллаһын бу өлкәјә олан лүтфүнүн давам етмәсинә сәбәбдир.”
Ислам Ингилабынын Рәһбәри Новруз месажынын башга бир һиссәсиндә 1403-ҹү илин “халгын иштиракы илә истеһсалатда сычрајыш” адландырылмасына тохунараг, һөкумәтин, халгын вә өзәл секторун сәјләринә бахмајараг, өтән ил баш верән һадисәләрин бу шүарын там реаллашмасына мане олдуғуну билдириб вә әлавә едибләр:
“Она ҝөрә дә бу ил әсас шүар вә мәсәлә јенә дә игтисади вә инвестисијаја јөнәлиб, чүнки истеһсалын сычрајышы вә доланышыг проблемләринин һәлли истеһсала инвестисијанын реаллашдырылмасындан асылыдыр.”
Үмүдүнја Мүсәлманларынын Али Рәһбәри, халгын истеһсал саһәсинә сәрмајә гојмасы үчүн шәраитин јарадылмасында һөкумәтин ролуну вурғулајараг дејибләр:
“Тәбии ки, инсанларын сәрмајә гојмаға мотивасијасы вә имканы олмајан јердә һөкумәт ишә гарышыб, халга рәгиб кими дејил, алтернатив кими сәрмајә гоја биләр.”
Һәзрәт Ајәтуллаһ Хаменеи сәрмајәни истеһсалда реаллашдырмаг үчүн һөкумәтдә вә халгда ҹидди әзм вә мотивасија јаратмағы зәрури һесаб едәрәк билдирибләр:
“Һөкумәтин иши зәмин јаратмаг вә истеһсала мане оланлары арадан галдырмагдыр, халгын иши исә кичик вә бөјүк сәрмајәләрини истеһсала јатырмагдыр ки, белә олан һалда капитал артыг валјута вә гызыл кими зәрәрли шејләрә доғру ҝетмәјәҹәк. Вә бу мәсәләдә мәркәзи банк вә һөкумәтин еффектив ролу вар.”
Ингилаб Рәһбәри бу мүгәддимә илә 1404-ҹү илин шүарыны “Истеһсал үчүн сәрмајә” адландырды вә үмидвар олдуғуну билдирди ки, дөвләтин планланлары вә халгын иштиракы илә мәишәт вә доланышыг мәсәләләриндә бир јол ачылаҹагдыр.
Имам Хаменеи чыхышынын јекун һиссәсиндә гәсбкар сионист режимин Гәззәјә јенидән тәҹавүзүнү чох бөјүк вә фәлакәтли ҹинајәт адландырараг вурғулајыблар:
“Бу мәсәлә Ислам үммәтинин мәсәләсидир, она ҝөрә дә бүтүн үммәт өз ихтилафларыны бир кәнара гојуб бу ҹинајәтләрә гаршы һәмрәј олмалыдыр. Һәмчинин, Авропа вә Америка да дахил олмагла, дүнјанын бүтүн азад инсанлары бу хаин вә фәлакәтли һәрәкәтә гаршы дурмалы вә давамлы олараг көрпәләрин өлдүрүлмәсинин, јашајыш массивләринин дағыдылмасынын, инсанларын дидәрҝин салынмасынын гаршысыны алмалыдырлар.”
Али Рәһбәр, Американын бу фәлакәтә ҝөрә мәсулијјәт дашыдығыны вә сијаси експертләрин фикринҹә, бу ҹинајәтин Американын сифариши вә ја ән азы онун разылығы илә төрәдилдијини вурғулајараг, билдирибләр:
“Јәмән һадисәләри вә Јәмән халгына вә динҹ әһалијә гаршы һүҹумлар да башга бир ҹинајәтдир ки, бунун гаршысы мүтләг алынмалыдыр.”
Ингилаб Рәһбәри чыхышыны Ислам үммәтинә хејир, фираванлыг вә гәләбә арзулары илә јекунлашдырды. Вә һәмчинин үмидвар олдугларыны билдирди ки, Иран халгынын сәадәти, разылығы, уғуру вә там бирлији илин сонуна гәдәр давам едәҹәк вә Имам Заман (ә) һәзрәтләринин пак гәлби, Али Мәгамлы Имам Хомејни ҹәнабларынын вә шәһидләрин пак руһлары Иран халгындан разы вә севинҹәк галаҹаглар.
Sizin rəyiniz