16 mart 2025 - 11:38
Иранын БМТ-дәки сәфири: Исламофобија Исраил режиминин ишғалына вә ҹинајәтләринә һагг газандырмаг үчүн бир васитәдир

Әслән Иранын Ирәван вилајәтиндән олан Әмир Сәид Ирәвани БМТ-нин Бејнәлхалг Исламофобија илә Мүбаризә Ҝүнүнә һәср олунмуш Јүксәк Сәвијјәли Иҹласында мүсәлманлара гаршы нифрәтин јајылмасынын артмасы тенденсијасыны писләјиб вә билдириб ки, сионист режим Исламофобијадан өз ишғалы вә Фәләстин халгына гаршы ҹинајәтләринә һагг газандырмаг үчүн бир аләт кими истифадә едир.

Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын БМТ-дәки сәфири вә даими нүмајәндәси мүсәлманлара гаршы нифрәтин јајылмасынын артмасы тенденсијасыны писләјиб вә дејиб: “Исламофобија сионист режимин ишғалына вә ҹинајәтләринә һагг газандырмаг үчүн бир васитәдир.”

Иран Ислам Республикасынын БМТ-дәки јүксәк сәвијјәли дипломаты сионист режимин ишғалына вә Фәләстин халгына гаршы давамлы зүлмүнә тохунараг вурғулајыб: “Дүнја һәр ҝүн өз вәтәнләриндә ишғал алтында јашајан фәләстинлиләрә гаршы амансыз тәҹавүзүн шаһиди олур. Гүдсү ишғал етмиш режим мүттәфигләри илә әмәкдашлыг едәрәк Ислам илә терроризм арасында сахта әлагә јаратмагла өз һәрби ҹинајәтләринә, апартеид сијасәтинә вә системли репрессијаларына һагг газандырмаға чалышыр”.

Иран Ислам Республикасынын БМТ-дәки сәфири әсас медиа вә сосиал шәбәкәләрин Исламофобијанын тәблиғиндәки ролуна тохунараг дејиб: “Бу тәблиғат шәбәкәләри тәкҹә мүсәлманлары һәдәф алмадылар, һәм дә нифрәт мүһитини аловландырмагла Фәләстин халгынын гануни мүгавимәтини ҝөздән салмаға чалышырлар”.

О, һәмчинин вурғулајыб ки, бәзи Гәрб өлкәләриндә ајры-сечкилик вә анти-Ислам сијасәтләри әслиндә сионист режимин марагларына ујғундур вә бу, онун фәләстинлиләрә гаршы ҹинајәтләрини өрт-басдыр етмәјә хидмәт едир.

Ирәвани сөзүнә давам едәрәк бәзи Гәрб өлкәләриндә ифадә азадлығы ады алтында Ислами дәјәрләрә, мүгәддәс мәканлара вә Гурани-Кәримә гаршы едилән тәһгирләри писләјиб вә бүтүн өлкәләри өз милли ганунларында Ислам мүгәддәсләринин тәһгир едилмәсини вә мүсәлманлара гаршы нифрәтин јајылмасыны ҹинајәт һесаб едәҹәк шәкилдә дәјишдирмәјә чағырыб.

Иранын БМТ-дәки сәфири вә даими нүмајәндәси чыхышынын сонунда Миҝел Анхел Моратиносун БМТ баш катибинин исламофобија илә мүбаризә үзрә хүсуси нүмајәндәси вәзифәсинә тәјин олунмасыны алгышлајыб вә Иранын бу истигамәтдә онунла әмәкдашлыг етмәјә һазыр олдуғуну билдириб.

Диггәт: Лүтфән Хәбәрдән Истифадә Етдикдә Мәнбәјә Истинад Един!

Tags

Sizin rəyiniz

You are replying to: .
captcha