Әһли-Бејт
(әлејһимус сәлам) Хәбәр Аҝентлији – АБНА: Ҹәнуби Гафгазда дөвләт гуруб һөкүмәтлик
етмәк јалныз Нахчыванлылара вә Јеразлара мәхсусдур. Бу бөлҝәдә јашајан саир халглара
исә мәдәни мухтаријјат белә тәсис етмәк истәдикдә “сепаратчылыгда” вә “вәтәнә хәјанәтдә”
иттиһам олумараг “халг дүшмәни” дамғасына, хејли һалларда да халгын башбилән, нүфузлу
оғулларынын террор едилмәси илә үзләшир. Буна мисал олараг Талыш Халгынын ҝөркәмли
профессору Новрузәли Мәммәдову вә аилә үзвләрини мисал чәкмәк олар...
Нә исә, кечәк “әсас мәтләбә”. Демәли "Репорт" хәбәр верир ки, “Гәрби Азәрбајҹан” Иҹмасы бәјанат јајараг билдириб:
“Сентјабрын 2-дә Ермәнистанда реваншист гүввәләрин, гондарма режимин төр-төкүнтүләринин Азәрбајҹанын суверенлији вә әрази бүтөвлүјүнү тәһдид едән тәхрибатчы ачыгламаларыны, о ҹүмләдән Гәрбдәки һавадарларына архаланараг јенә “бејнәлхалг тәминат алтында Гарабаға гајыдыш”дан дәм вуранларын биз Гәрби азәрбајҹанлыларын гајыдыш һүгүгуну данмасыны кәскин шәкилдә писләјирик.”
Бәјанатда һәмчинин гејд олунуб ки, Иҹма сон вахтлар бир нечә дәфә Ермәнистан һөкумәтиндән өз әразисиндә Азәрбајҹанын суверенлијинә гаршы чыхан гүввәләрин фәалијјәтинә сон гојулмасы илә бағлы чағырыш едиб:
"Ҝөрүнән одур ки, Ермәнистан һөкумәти нәинки бу аддымы атмыр, әксинә үздә сүлһдән данышараг кәнарда анти-Азәрбајҹан аддымлара рәваҹ верир. Гәрби Азәрбајҹан Иҹмасынын Ермәнистанын суверенлијини вә әрази бүтөвлүјүнү тәһдид етмәдији һалда, өзүнү “мүһаҹирәтдә олан һөкумәт” кими гәләмә верән гондарма режимин төр-төкүнтүләринин, Ермәнистанын сабиг хариҹи ишләр назиринин рәһбәрлик етдији “репатриасија комиссијасы”нын Ермәнистанда белә раһат фәалијјәт ҝөстәрмәси гәбуледилмәздир. Бәјан едирик ки, Ермәнистан бу тәһлүкәли сијасәтдән әл чәкмәсә, онда биз Азәрбајҹанда мүһаҹирәтдә олан Гәрби Азәрбајҹан һөкумәтинин тәсис едилмәси истигамәтиндә ишләрә башлајаҹаг вә бу хүсусда, илк олараг јени сечилмиш парламентдә “Гәрби Азәрбајҹана гајыдыш” комиссијасынын јарадылмасы мәгсәдилә Милли Мәҹлисә мүраҹиәт үнванлајаҹағыг".
Диггәт:
Хәбәрдән Истифадә Етдикдә Мәнбәјә Истинад Лазымдыр!
