Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, сионист режимин
баш назири Бенјамин Нетанјаһу өтән ҝеҹә (20 ијун чәршәнбә ахшамы) јәһудиләр тәрәфиндән
ишғал олунмуш Фәләстин әразиләриндә баш верән јени мүгавимәт әмәлијјатына ҹаваб
олараг тәһдид долу твит јазыб.
“И24” каналынын вердији хәбәрә ҝөрә, сионист режимин баш назири өз рәсми сәһифәсиндә дәфәләрлә тәһлүкәсизлик мәсәләләриндә уғрадыглары хәталара бахмајараг иддиа едиб: “Исраил сон бир нечә ај әрзиндә сүбут едиб ки, анти-сионист әмәлијјатын бүтүн ҝүнаһкар иҹрачылары илә истиснасыз олараг һесаблашаҹаг вә Исраилә зәрәр верән һәр кәси ја өлдүрәҹәк, ја да һәбс едәҹәк.”
Дүнән, чәршәнбә ахшамы, ишғалчы сионист режиминә бағлы јәһуди медиасы, Иордан чајынын гәрб саһилинин шималында јерләшән, ишғал алтындакы "Аили" гәсәбәсиндә бир јанаҹагдолдурма мәнтәгәси јахынлығында фәләстинлиләрин автомат силаһлардан ачдығы атәш нәтиҹәсиндә 4 ишғалчы сионист ҝәлмәнин өлдүрүлдүјүнү билдириб. Мәлуматлара ҝөрә, гејд олунан әмәлијјатда даһа 4 сионист ишғалчы јараланыб.
Бу әмәлијјат гаршысында аҹиз галан, Нетанјаһу вә онун идарә етдији кабинети белә иддиа едибки, о баш верән әмәлијјатлар һаггында биринҹи әлдән һесабат алыр вә бу, Исраилин әмәлијјатлара вә ја һүҹумлара вә атышмалара ҹаваб вермәси үчүн бүтүн вариантларын ачыг олдуғуну ҝөстәрир.
Дүнән сионист режимә бағлы јәһуди гәзети “Једиот Аһаронот” бу әмәлијјатын тәфәррүатлары илә бағлы хәбәр јајыб вә јазыб: “3 Фәләстин силаһлысы М16 түфәнҝләри илә Исраил һәрбичиләринә атәш ачыблар; Атышмадан дәрһал сонра өлдүрүлән бу әмәлијјатын әсас операторунун ады Наблусун ҹәнубундакы Һавара кәндиндән олан Мәһәнд Фалиһ Шәһһад олдуғу билдирилиб.”
Диггәт: Хәбәрдән Истифадә Етдикдә Мәнбәјә Истинад Лазымдыр!
