Әһли-Бејт
(әлејһимус сәлам) Хәбәр Аҝентлији – АБНА-нын вердији мәлумата әсасән, Иран Ислам
Республикасы президенти Сејид Ибраһим Рәиси Теһран вә Каракас арасындакы әлагәләрин
ади дипломатик әлагәләр дејил, даһа чох стратежи характер дашыдығыны вурғулајараг,
дејиб: "Иран халгы Венесуела халгы илә достлуғуну сүбут едиб вә онларын чәтин
ҝүнләринин досту олдуғуну ҝөстәриб.
Иран президенти базар ертәси, јерли вахтла Каракасда венесуелалы һәмкары илә бирҝә мәтбуат конфрансында Венесуела халгынын империализмә гаршы мүгавимәт илләрини алгышлајыб вә Венесуеланын милли гәһрәманларыны еһтирамла јад едиб вә дејиб: "Иран вә Венесуела игтисади саһәдә ортаг мараглара вә мүстәгиллик, азадлыг вә әдаләт ахтарышында ортаг бахышлара маликдир. Һансы ки, бу ики өлкәнин халгыны бир араја ҝәтириб.
Президент Рәиси, һәмчинин Иран вә Венесуела халгларынын бизим мүстәгил јашамамызы истәмәјән ортаг дүшмәнләринин олдуғуну да хатырладыб вә әлавә едиб: "Иран халгы өтән илләр әрзиндә Венесуела халгы илә достлуғуну сүбут едиб вә һәмишә онларын чәтин ҝүнләринин досту олдуғуну нүмајиш етдириб".
О, Иран вә Венесуела әлагәләринин ади дипломатик әлагәләр дејил, даһа чох стратежи әлагәләр олдуғуна ишарә едәрәк дејиб: "Ортаг марагларын, бахышларын вә дүшмәнләрин мөвҹудлуғу икитәрәфли әмәкдашлығы дәрин вә стратежи характерли едиб".
Иран президенти өтән илләрдә Иран вә Венесуеланын игтисади, тиҹарәт, енержи, техники вә мүһәндислик саһәләриндә әлагәләрин инкишаф етдирилмәси истигамәтиндә јахшы аддымлар атдыгларыны билдириб вә ики өлкәнин бу ҝүн мүхтәлиф саһәләрдә әлагәләри инкишаф етдирмәк әзминдә олдугларыны гејд едиб.
Рәиси гејд едиб ки, Иран Ислам Республикасы Ислам Ингилабынын бәрәкәти, шәһидләрин пак ганы вә Иран халгынын мүгавимәти сајәсиндә тәзјиг вә ембарголары фүрсәтә чевирә билди вә бу јол илә мүхтәлиф габилијјәтләр әлдә етди вә онлары Венесуеланын мүгавимәтли халгы илә бөлүшмәјә һазырдыр.
О, венесуелалы һәмкары илә данышыглары ики өлкә арасында мүнасибәтләрин сәвијјәсинин јүксәлдилмәси үчүн фајдалы вә конструктив адландырыб вә дејиб: "Данышыгларда тәрәфләр тәсдиг етдиләр ки, мүнасибәтләрин инкишафы истигамәтиндә ҝөрүлән тәдбирләрә бахмајараг, икитәрәфли әмәкдашлығы ҝенишләндирмәк үчүн һәлә чох потенсиал вар".
Ики өлкә арасында тиҹарәт һәҹминин 2021-ҹи илдә 600 милјон доллардан 3 милјард доллара јүксәлмәсинә тохунан Раиси әлавә едиб ки, тиҹарәт мүбадиләсинин һәҹми биринҹи мәрһәләдә 10 милјард доллара, икинҹи мәрһәләдә исә 20 милјард доллара чатдырыла биләр.
Иран президенти ики өлкә арасында сәнаје, мәдән, кәнд тәсәррүфаты, енержи, елм вә технолоҝија саһәләриндә 19 әмәкдашлыг сәнәдинин имзаланмасыны ики тәрәфин икитәрәфли әлагәләрин ҝенишләндирилмәси ирадәсинин ифадәси кими гијмәтләндириб.
Иран президенти базар ертәси ҝүнортадан сонра јүксәк сәвијјәли сијаси вә игтисади һејәтин башында Венесуеланын пајтахты Каракаса ҝәлиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
