Әмир ҝенерал-лејтенант Әбдүррәһим Мусәви Тәбриздә Гүдс ҝүнү јүрүшчүләринин топлантысында Азәрбајҹан Республикасы илә сионист режим арасында јени әлагәләрә тохунараг, Азәрбајҹан Республикасына хитабән дејиб: “Сионист режимин дүнјанын ән мәнфур режим олараг онун реҝион ҹоғрафијасына дахил олмасы ҝәрҝинлијә вә тәһлүкәјә сәбәб олаҹаг. Вә бунун тәсирини бүтүн мәлуматлы мүшаһидәчиләр ҝөрүрләр. Биз инанырыг ки, сабитлик, тәһлүкәсизлик вә сүлһ өз халгына вә өлкәләрин һүгугларына һөрмәтә әсасланан хариҹи әлагәләрә архаланмагла әлдә едилир. Иран Ислам Республикасы гоншулары, о ҹүмләдән дост, гардаш вә шиә өлкәси Азәрбајҹанла конструктив әлагәләрини Ислам Республикасы вә реҝион үчүн тәһлүкәсизлик вә сабитлик амили һесаб едир.”
Ҝенерал сонра әлавә едиб ки, һеч бир торпағын ишғалы Ислам Республикасы тәрәфиндән тәсдигләнмәјиб вә бундан сонра да тәсдигләнмәјәҹәк.
Онун сөзләринә ҝөрә, ҝеосијаси мәсәләләрә диггәт вә ҹоғрафи сәрһәдләрә һөрмәт вә меһрибан гоншулуг Ислам Республикасы тәрәфиндән дәстәкләнир.
Иран Ислам Республикасы Ордусунун баш команданы сонда вурғулајыб ки, Иран һөкумәти вә халгы, о ҹүмләдән Азәрбајҹанын гејрәтли вә шәһидсевәр әһалиси ишғал олунмуш әразиләрин азад едилмәсини һәмишә үмидвериҹи фактор, еләҹә дә реҝионда сијаси вә һәрби сабитлији артыран вә ҝәрҝинлији азалдан олај һесаб едибдир.
342/
