етиразчылар Һајфада Әл-Әгса мәсҹидинә дәстәк вә сионистләрин бу мәсҹидә һүҹумуну писләјән аксијада иштирак едибләр. Гәзза золағында Рәфәһ, Ҹәбәлијјә, Бејт Һанун вә бу мәнтәгәнин шәргиндә фәләстинлиләр сионистләрин Әл-Әгса мәсҹидинә һүҹумларыны писләјән етираз аксијалары тәшкил едибләр.
Мәлумата ҝөрә, Сионист әсҝәрләр Гәзза золағынын шәргиндә ишғал олунмуш Фәләстинлә сәрһәддә нүмајишчиләрә гаршы ҝөзјашардыҹы газдан истифадә едилиб.
Хатырладаг ки, чәршәнбә ҝүнү сәһәр сионист әсҝәрләр Әл-Әгса мәсҹидинин Әл-Губла залында зәвварлара һүҹум едәрәк, онлары мәсҹиддән зорла чыхарыблар. Ишғалчы исраил әсҝәрләри Әл-Губла мәсҹидинин шүшәләрини сындырараг мәсҹидин ичәрисинә сәс бомбалары атыб, даһа сонра мәсҹиддәки ибадәт едәнләрә һүҹум едибләр. Фәләстин Гызыл Ајпара Ҹәмијјәти сионист гүввәләрин Әл-Губла мәсҹидинә һүҹумундан сонра чохлу сајда фәләстинлинин јараландығыны, лакин сионист гүввәләрин тибб ишчиләринин ораја ҝәлмәјә иҹазә вермәдијини ачыглајыб. Фәләстин мәнбәләри 200-дән чох фәләстинлинин јараландығыны, 500 нәфәрин исә һәбс едилдијини билдирирләр. Сионист режимин бу һүҹумлары вә ҹинајәтләринә ҹаваб олараг, Фәләстин мүгавимәт дәстәләри дә, сон 24 саат әрзиндә ән азы 3 дәфә Гәззә золағынын сәрһәди әтрафындакы сионист јашајыш мәнтәгәләрини ракетләрлә һәдәфә алыблар.
342/
