ҹанлы јајым давам едәркән Макронун әлини масанын алтына салмасы вә еһтијатла сааты чыхармасы сосиал медиада бөјүк гәзәб далғасына сәбәб олуб. Франсызлар Макрону “халгдан пул гопармагда” ҝүнаһландырыб, мүхалифәт исә Франса лидерини “варлыларын президенти” адландырыб.
Бөһрана сәбәб олан саатын дәјәри дәгиг билинмир. Тәнгидчиләр саатын 80.000 авро олдуғуну иддиа едир, Франса медиасы исә сөзүҝедән аксесуарын Белл & Росс тәрәфиндән истеһсал едилдијини вә гијмәтинин 1600 авро илә 2400 авро арасында олдуғуну јазыб.
Пенсија ганунуна гаршы ҝениш етираз аксијаларынын давам етдији Франсада гыса мүддәтдә вирал олан ҝөрүнтүјә о гәдәр реаксија ҝәлиб ки, Јелисеј Сарајы мәсәлә илә бағлы ачыглама вермәк мәҹбуријјәтиндә галыб. Ачыгламада Макронун сааты ҝизләтмәјә чалышмадығы, аксесуарын масаја дәјдији үчүн сәс етдији вә бу сәбәбдән чыхарылдығы билдирилиб.
Британијанын "Даилј Маил" гәзети "Чох ҝеҹдир, Макрон, биз сәнин лүкс саатыны ҝөрдүк" јазыб. “Тһе Телеҝрапһ” гәзети Макронун костјумунун да 5 мин авро дәјәриндә олмасына диггәт чәкиб.
Франса мәтбуатында исә "Макронун сеһрли ојуну" башлығы диггәт чәкиб. Франсызлар Макронун саатынын гәфил јох олмасына лағ едибләр вә билдирибләр ки, ашағы маашлы ишчиләрин һеч вахт белә бир саат алмаг үчүн кифајәт гәдәр бүдҹәси олмајаҹаг.
Гејд едәк ки, Франсада пенсија јашынын 62-дән 64-ә галдырылмасыны нәзәрдә тутан ислаһат бүтүн өлкәдә етиразлара сәбәб олуб. Сөзүҝедән ганунун гәбулу үчүн Франсанын баш назири Елизабет Борне конститусијадакы хүсуси маддәдән истифадә едәрәк Франса парламентини просесдән кәнарлашдырыб.
Даһа сонра өлкәдә ҝенишмигјаслы етиразлар башлајыб. Өзүнү демократијанын бешији адландыран бу Авропа өлкәсиндә етиразчылара гаршы ән гәддар давраныш һәтта Авропа Шурасынын реаксијасына сәбәб олуб. Белә ки, бу шура Франсада полисин нүмајишчиләрә гаршы репрессив методлара әл атмасыны писләјиб.
342/
