Сионист режимин "канал 12" телеканалы билдириб ки, бу режимин мүһарибә назири "Јоав Ҝаллант"ын мәһкәмә дәјишикликләри бөһраны сәбәбиндән тутдуғу вәзифәдән азад едилмәсиндән сонра, ишғал олунмуш әразиләрдә нәзарәти итирән ишғалчы Исраил ордусу дөјүш һазырлығы вәзијјәтинә ҝәтирилиб.
Канал јүз минләрлә инсанын Нетанјаһу һөкумәтинә гаршы нүмајишә чыхмасындан сонра "орду"нун дөјүш һазырлығы елан етдијинә ишарә едиб.
Сионист режим медиасы бу режим ордусунун кечмиш сөзчүсү Ави Бенјаһуја истинадән јазыб: "Бу мәрһәлә Исраил тарихиндә ән гаранлыг дөврдүр. Нетанјаһу бу ҝеҹә сијаси һәјатына сон гојду. Кәдәрләнмәјә вә горхмаға иҹазә верилир, диктатура артыг бурададыр".
Ејни контекстдә сионист режимин "Кан" каналы бу режимин полиси рәисинин бүтүн јашајыш мәнтәгәләриндә гүввәләрин ҝүҹләндирилмәси әмри вердијини билдириб вә "нүмајишчиләрин јалныз ифрат зоракылыг вә вандализм һалларында һәбс едилмәли олдуғуну" вурғулајыб.
"Једиотһ Аһронотһ" гәзетинин мәлуматына ҝөрә, өз нөвбәсиндә сионист режим рәсмиләри вә мерләри бу ҝүн, базар ертәси баш назир Бенјамин Нетанјаһунун офисинин гаршысында аҹлыг аксијасы кечирәҹәкләрини ачыглајыблар.
Сионист режим медиасынын мәлуматына ҝөрә, 600 миндән чох нүмајишчи шималдакы "Кирјат Шмона"дан ҹәнубдакы "Ејлат" шәһәринә гәдәр јүрүш едиб, полис исә нүмајишчиләри ишғал алтындакы Гүдсдә Нетанјаһунун евинин јахынлығындан дағытмаг үчүн су вуран машынлардан истифадә едиб.
Мәлумата әсасән, мүһарибә назири Јоав Ҝаллантын ишдән чыхарылмасындан сонра ишғал алтындакы Гүдсдә Нетанјаһунун евинин гаршысына минләрлә инсан топлашыб.
Сионист режим медиасы бир автомобилин Тел-Әвив күчәләриндә бир груп нүмајишчинин үзәринә сүрмәјә чалышдығыны билдириб.
Ејни заманда, Әл-Мәјадин мүхбири ишғал алтындакы Әккада да бир автомобилин нүмајишчиләрин үзәринә сүрмәјә ҹәһд едилдијини билдириб.
Иврит дилли медиа билдириб ки, Кнессет гаршысында нүмајишчиләр Нетанјаһу һөкумәтини девирмәјә чағыран шүарлар сәсләндирибләр.
Ҝалантын ишдән чыхарылмасына мүнасибәт билдирән Исраил тәһлүкәсизлик гурумунун кечмиш рәсмиләри бунун "ордунун дармадағын едилмәси јолунда бөјүк бир аддым" олдуғуну вә "Исраилин дахили мүһарибә" астанасында олдуғуну билдирибләр.
Ејни заманда сионист режим медиасы нүмајишчиләрин етиразлар заманы ҝөрүнмәмиш инсидентлә Нетанјаһунун евинин ҝиришинә ҝәлдијини билдирибләр.
Ишғалчы режим полисинин јүксәк рүтбәли забити дејиб: "Биз нүмајишләрин кечирилдији бир нечә јердә нәзарәти итирмишик. Нүмајишләр белә бир ссенаријә һазыр олмајан сионист режим һакимијјәтини тәәҹҹүбләндириб".
Диҝәр тәрәфдән ишғалчы һөкумәтин кечмиш баш назири Нефтали Беннетт бу ҝүн ахшам саатларында "Исраил"ин 1973-ҹү ил мүһарибәсиндән бәри мөвҹудлуғунун ән тәһлүкәли нөгтәсиндә олдуғуну билдириб вә Нетанјаһуну мәһкәмә ислаһатлары ганунуну дәрһал дајандырмаға чағырыб.
Гејд едәк ки, Ишғалчы һөкумәтин баш назири Бенјамин Нетанјаһу дүнән, базар ҝүнү мәһкәмә дәјишикликләри бөһраны фонунда мүһарибә назири Ҝалланты тутдуғу вәзифәдән азад едиб.
Сионист режимин ән критик вәзијјәтиндә Азәрбајҹан Республикасынын Фәләстинин ишғал олунмуш әразиләринә јени тәјин олунмуш сәфиринин дүнән ишғалчы режимин президентинә етимаднамәсини тәгдим етдији ешидилир.
Мухтар Мәммәдов етимаднамәсини ишғалчылара тәгдим етдикдән сонра өзүнүн бу әмәлиндән шәрәф вә гүрур дујдуғуну билдириб.
342/
