Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Франсанын
пајтахты Парисдә пенсија ислаһатына гаршы күтләви етираз аксијасы кечирилир.
Бу барәдә ТАСС-ын һадисә јериндәки мүхбири мәлумат вериб.
Мәлуматда дејилир ки, нүмајишчиләр ислаһатдан әл чәкмәји вә ја ири бизнес саһәләриндән ҝәлән јығымлары артырмагла, әлавә мәнфәәтдән верҝи тәтбиг етмәклә пенсија системиндә таразлыға наил олмағы тәләб едирләр.
Һәмчинин әлавә олунуб ки, бу ҝүн Франсанын пенсија системинин дәјишдирилмәси илә бағлы ганунун гәбулуна етираз олараг кечирилән аксија сајҹа сәккизинҹидир.
“Биз өз мөвгејимизин мүдафиәсини давам етдирмәкдә гәрарлыјыг” – Франса Һәмкарлар Иттифагынын рәһбәри Филип Мартинез журналистләрә билдириб.
Диггәт: Хәбәрдән Истифадә Етдикдә Мәнбәјә Истинад Лазымдыр!
