Иранын БМТ-дәки даими нүмајәндәлији өлкәсинин Русијадан Сукһои-35 тәјјарәләринин алынмасы илә бағлы мүгавиләни јекунлашдырдығыны, лакин бу тәјјарәләрин сајы вә чатдырылма тарихи илә бағлы мәлуматын мәхфи олдуғуну билдириб.
Спутник Иранын БМТ-дәки миссијасына истинад едәрәк, билдириб ки, 1988-ҹи илдә Иран-Ираг мүһарибәси баша чатдыгдан сонра Иран бир сыра өлкәләрдән дөјүш тәјјарәләри сатмаг имканынын арашдырылмасыны истәјиб вә Русија онлары сатмаға һазыр олдуғуну ачыглајыб.
Иранын БМТ-дәки миссијасы әлавә едиб ки, "Сукһои-35 гырыҹылары техники ҹәһәтдән Иран тәрәфиндән тәсдигләниб. Она ҝөрә дә, 2020-ҹи илин октјабрында БМТ Тәһлүкәсизлик Шурасынын 2231 сајлы гәтнамәсинә әсасән Ирана гаршы ади силаһларын алынмасына гојулан гадаға сона чатдыгдан сонра, Иран Ислам Республикасы, Русијадан Сукһои-35 тәјјарәләринин алынмасы илә бағлы проседурлары тамамлајыб".
Иранын БМТ-дәки миссијасы сазишин нә вахт тамамландығыны вә Иранын Русијадан нә гәдәр тәјјарә алаҹағыны дәгигләшдирмәјиб вә дејиб: "Онлар мәхфи олдуғу үчүн һеч бир тәфәррүат ачыгланмајаҹаг".
342/
