Ҝенерал Әмир Әли Һаҹызадә Шабан ајынын үчү, “Пасдар ҝүнү” мүнасибәтилә вердији мүсаһибәдә дејиб: “Американын мараглары Гәрби Асијаны вә һәтта дүнјаны әмнијјәтсиз һала салмагдыр. Иран-Ираг мүһарибәси, Әфганыстана һүҹум, Ирагда ики мүһарибә, Сәудијјәнин Јәмәнә һүҹуму, ИШИД-лә мүһарибә вә сионист режимлә апарылан дөјүшләр бу мүнагишәләр сырасындадыр. Һаҹызадә вурғулајыб ки, биз ҝүҹлү олмасаг, бу мүнагишәләр Иранын дахилинә дә чәкилә биләр.
О, Һәрби Һава Гүввәләринин өнҹәләр америкалыларын дөјүш тәхһизаты вә имканларыны зәрәрсизләшдирмәјә ишарә едәрәк билдириб ки: бир заманлар Американын бөлҝәдәки базалары онларын әсас ҝүҹ мәнбәји сајылырды, лакин бу ҝүн биз онлары истәдијимиз вахт вура биләрик.
Сәрдар Һаҹызадә өз чыхышында дүнјанын ән бөјүк һәрби-һава гүввәләринин АБШ Һәрби Дәниз Гүввәләринә аид олдуғуну дедикдән сонра вурғулајыб ки: кечмишдә белә дејилирди ки, бу донанма һансыса өлкәјә доғру һәрәкәт едәрсә, о өлкәнин һакимијјәти мәһв олаҹаг. Амма инди Аллаһын лүтфү илә ики мин километр узаглыгдакы Америка ҝәмиләрини вура билирик.
Ислам Ингилабы Кешикчиләри Корпусунун Аерокосмик Гүввәләринин командири һиперсоник ракети һаггында данышараг вурғулајыб ки: Мүдафиә системләри ракетләрин ҝәләҹәк трајекторијасынын тәјинаты әсасында ишләјир вә онлар бу ракетин ҝәләҹәк трајекторијасыны тапа билмирләр.
Сонра о чыхышында билдириб ки: он илләр лазымдыр ки, бу ракетин гаршысында дајана биләҹәк мүдафиә системи јарадылсын.
Сәрдар Һаҹызадә Гәзза пилотсуз тәјјарәси һаггында да данышараг билдириб ки: Бу пилотсуз тәјјарә чох јүксәк учуш давамлылығына маликдир вә ејни анда 9 бомба дашыја билир.
Ислам Ингилабы Кешикчиләри Корпусунун Аерокосмик Гүввәләринин команданы бу гүввәләрин “круз ракетләр саһәсиндә сон наилијјәтләри барәдә дејиб: һәдәфә алма мәсафәси 1650 км-лик узагмәнзилли “Паве” адлы круз ракети Күрдүстан шәһидләринин хатирәсинин јады илә Иран Ислам Республикасынын ракет арсеналына дахил едилиб. "
342/
