Түркијәдә зәлзәлә нәтиҹәсиндә дағылмыш биналарла бағлы 612 шүбһәли барәсиндә арашдырма апарылыб.Бу барәдә Түркијә әдлијјә назири Бәкир Боздағ билдириб.
Назир, онлардан 184-нин сахланылдығыны, 55-нин исә артыг һәбс едилдијини вурғулајыб.
Бәкир Бозағын сөзләринә ҝөрә, индијәдәк зәлзәлә нәтиҹәсиндә дағылан 7 мин 598 бинадан нүмунәләр ҝөтүрүләрәк онларын експертизасы апарылыб.
Назир дағылан биналарда дағынтыларын алтында галанларын чыхарылмасы ишини тамамландығыны дејиб.
Түркијәнин Газиантеп шәһәринин Нурдағы рајонунун бәләдијјә сәдри Өккеш Кавак да сахланылыб.О, Каһраманмарашда баш вермиш зәлзәлә илә бағлы апарылан истинтаг чәрчивәсиндә тутулуб.
Гејд едәк ки, февралын 6-да оҹағы Түркијәнин Каһраманмараш шәһәринин Пазарҹык рајонунда олан шиддәтли зәлзәлә минләрлә бинанын дағылмасы илә нәтиҹәләниб, ән сон мәлумата ҝөрә һадисә нәтиҹәсиндә 44 218 нәфәр өлүб.
Бәзи експертләр сон зәлзәләдә инсанларын әслиндә коррупсија вә рүшвәтин гурбаны олдугларыны дејирләр. Хүсусилә дә иншаат ишиндә олан подратчы ширкәтләр әсасән һакимијјәтә јахын ширкәтләрдир.
342/
