Истанбулда зәлзәлә олаҹағы барәдә мәлуматлардан сонра Түркијәнин зәлзәлә олмајан әразиләриндән дә Бакыја ҝәлирләр.
Бу да Бакыда кирајә базарында гијмәтләрин баһалашмасына сәбәб олуб.
Спутник Азәрбајҹан бу барәдә бир арашдырма дәрҹ едиб. Хәбәр Аҝентлији кирајәнишинләрә истинадла билдирир ки, 15 ҝүн өнҹә пајтахтын Јасамал рајону әразисиндә 450 маната тәклиф едилән мәнзилләрин гијмәти 700 олуб. 500 манатлыг мәнзилләр исә 800-900 маната галхыб.
Арашдырмада дејилир ки,ев алгы-сатгысы, еләҹә дә кирајәси илә мәшғул олан васитәчиләр буну Түркијәдән Азәрбајҹана ахынла әлагәдар олдуғуну билдирибләр.
“Түркијәдә зәлзәләдән сонра Бакыја түрк вәтәндашларынын ахыны артыб. Бу да пајтахтда евләрин гијмәтинин кәскин баһалашмасына сәбәб олуб" дејә мүсаһибләрдән бири билдириб.
Спутник, пајтахтын Јасамал рајону әразисиндә ев алгы-сатгысы, еләҹә дә кирајәси илә мәшғул олан васитәчиләрә истинадла јазыр ки, Јасамал рајону әразисиндә сөкүнтү ишләри апарылдығындан көһнә биналарда кирајә ев тапмаг һазырда мүшкүлдүр. Јени биналарда исә Түркијәдән сон он ҝүндә күтләви ахын кирајә гијмәтләрин баһалашмасына сәбәб олуб.
Узун илләрдир ки, Јасамал рајону әразисиндә ев алгы-сатгысы вә кирајәси илә мәшғул олан Арзуман Мәммәдов Спутник Азәрбајҹан-а ачыгламасында билдириб ки, Түркијәдә зәлзәләдән сонра Азәрбајҹана бу өлкәдән чохлу сајда инсан ҝәлиб. Онларын мүтләг әксәријјәти пајтахтын мәркәзи рајонларында мүвәггәти јашамаға ев ахтарырлар. Буна ҝөрә гијмәтләр дә баһалашыб".
Нәриманов рајонунда "маклер" ишләјән Тоғрул Һәсәнов да сон ҝүнләр кирајә мәнзилләрлә ән чох түрк вәтәндашларынын марагландығыны сөјләјиб. О, Спутник Азәрбајҹан-а ачыгламасында билдириб ки, пајтахтда кирајә мәнзилләрин гијмәти 10-200 манат ҹиварында баһалашыб.
Түркијәдә зәлзәлә баш верән вахтдан 10 ҝүн әрзиндә бу өлкәдән Азәрбајҹана 8897 нәфәр ҝәлиб. Бунунла бағлы Дөвләт Миграсија Хидмәтиндән билдириб.
