Авропа Иттифагынын хариҹи мәсәләләр вә тәһлүкәсизлик сијасәти үзрә али нүмајәндәси Ҹозеп Боррел мүхалифләрин Авропа Бирлијинин Брүсселдәки гәрарҝаһы гаршысындакы нүмајишләринә тохунараг, билдириб ки, Бирлик Ингилаб Кешикчиләрини Авропадакы террор тәшкилатлары сијаһысына дахил етмир.
Боррел әлавә едиб: "Авропа дөвләтләриндән биринин мүвафиг мәһкәмә гәрары олмадан Ислам Ингилабы Кешикчиләри Корпусунун (СЕПАҺ) Авропа Иттифагында террор тәшкилаты кими танынмасы мүмкүн дејил".
Диҝәр тәрәфдән Алманијанын хариҹи ишләр назири Анналена Бербук АИ хариҹи ишләр назирләринин Брүсселдәки ҝөрүшүндән сонра журналистләрә ачыгламасында билдириб ки, Авропа Иттифагынын (АИ) һазырда Ислам Ингилабы Кешикчиләри Корпусуну (СЕПАҺ) террор тәшкилатлары сијаһысына салмаг үчүн кифајәт гәдәр һүгуги әсаслары јохдур.
Алманија Хариҹи Ишләр Назирлијинин сөзчүсү Кристофер Бергер бу јахынларда дејиб ки, Иран Ислам Ингилабы Кешикчиләри Корпусунун Авропа Бирлијинин террор тәшкилаты сијаһысына салынмасы тәкҹә сијаси манеәләрлә дејил, һәм дә һүгуги манеәләрлә үз-үзәдир.
Алманија дипломатијасынын сөзчүнүн бу ачыгламалары Авропа Парламентинин СЕПАҺ-ы Авропа Бирлијинин "террорчу" тәшкилатлары сијаһысына дахил едилмәсини тәләб едән гәтнамә гәбул етмәсиндән бир ҝүн сонра верилиб. Авропа Парламентинин гәрарлары мәҹбури дејил вә јалныз Авропа Шурасына тәклиф кими һесаб едилир.
Ислам Ингилабы Кешикчиләри Корпусу СЕПАҺ Иран Ислам Республикасынын силаһлы гүввәләринин бир һиссәсидир ки, Гәрби Асија реҝионунда, хүсусилә Сурија вә Ирагда Гәрбин дәстәкләдији террор груплашмаларына гаршы мүбаризә вә бу реҝионда сабитлијин вә тәһлүкәсизлијин тәмин едилмәси саһәсиндә узун вә сәмәрәли кемишә маликдир. Она ҝөрә дә Авропа Бирлијинин ону террор тәшкилаты елан етмәси бејнәлхалг һүгуг нормаларына зиддир вә әслиндә реҝионал сүлһ вә тәһлүкәсизлији зәифләтмәјә јөнәлмиш бир һәрәкәтдир.
342/
