Һүсејн Әмир-Абдуллаһијан вә Антонио Гутерреш Сурија вә Түркијәдә баш вермиш сон ағыр зәлзәлә һадисәси, еләҹә дә Ирана гаршы санксијаларын ҝөтүрүлмәси мүзакирәләринин сон дуруму да дахил олмагла бәзи реҝионал вә глобал мәсәләләр әтрафында фикир мүбадиләси апарыблар.
Иран хариҹи ишләр назири БМТ баш катибинин реҝионал диалоглар тәшәббүсүнә нәзәр салыб. Билдириб ки, Иран Ислам Республикасы бу кими иҹласларын давам етмәси вә реҝионал әмәкдашлылгларын артмасыны алгышлајыр.
Сурија вә Түркијәдә зәлзәләдән зәрәр чәкмиш бөлҝәләрин сакинләринә бејнәлхалг јардымларын артырылмасы зәрурәтинә тәкид едән Әмир-Абдуллаһијан гејд едиб ки, Суријанын зәлзәләдән зәрәр чәкмиш Идлиб бөлҝәсиндә дә аҹынаҹаглы вәзијјәт һөкм сүрүр, зира Сурија һөкумәтинин бу бөлҝәјә әлчатанлығы јохдур.
Иран хариҹи ишләр назири вурғулајыб ки, БМТ баш катибинин һуманитар мәсәләләр үзрә координатор мүавининин бу мәсәләјә хүсуси ҹидди-ҹәһд ҝөстәрәҹәји ҝөзләнилир.
Иранын һуманитар јардымларына тохунан иранлы рәсми Теһранын Суријанын Идлиб бөлҝәсинә јардым груплары ҝөндәрмәјә һазыр олдуғуну билдириб.
Иран хариҹи ишләр назири телефон данышығында Ирана гаршы санксијаларын ҝөтүрүлмәси мүзакирәләри мәсәләсинә дә јер ајырыб.
Атом Енержиси үзрә Бејнәлхалг Аҝентлијин мәсәләјә техники јанашмасынын ваҹиблијинә тохунан иранлы дипломат белә гејд едиб: Ыран Атом Енержиси Тәшкилаты вә Атом Енержиси үзрә Бејнәлхалг Аҝентлик һәмкарлыгларын чәрчивәсини тәриф едибләр. Аҝентлијин баш директорунун Теһрана сәфәр програмы да тәрәфләрин иш ҝүндәминдә дурур.
БМТ баш катиби Антонио Гутерреш дә өз нөвбәсиндә Иран Ислам Республикасынын Милли Ҝүнү мүнасибәтилә Иран президенти вә халгыны тәбрик едиб.
Түркијә вә Сурија зәлзәләсинә ҝәлинҹә исә, БМТ баш катиби вурғулајыб ки, онун һуманитар мәсәләләр үзрә координатор мүавини Сурија вә Түркијәјә јола дүшмәк әрәфәсиндәдир вә Бирләшмиш Милләтләр Тәшкилаты Сурија да дахил олмагла зәлзәләдән зәрәр чәкәнләрә јардым истигамәтиндә өзүнүн бүтүн имканларындан истифадә едәҹәк.
Биз Сурија халгына јардымы тамамилә һуманитар бир мәсәлә һесаб едирик.- дејә, Гутерреш билдириб.
Ирана гаршы санксијаларын ҝөтүрүлмәси саһәсиндә анлашма мәсәләсинә тохунан БМТ баш катиби вурғулајыб ки, бүтүн тәрәфләрин нүвә анлашмасына ҝери дөнүшүндән савајы һеч бир диҝәр сечим мөвҹуд дејилдир.
Мән анлашманын јекун аддымына чатанадәк дипломатија вә мүзакирә јолуна олан дәстәјими давам етдирәҹәјәм- дејә, Гутерреш вурғулајыб.
342/
