Бригада ҝенералы Кијумәрс Һејдәри дејиб: Түркијәнин бәзи бөлҝәләриндә ағыр зәлзәләнин баш вермәсинин ардынҹа вә һәмин өлкәнин мәсул шәхсләринин истәкләри илә Иран Ислам Республикасы Ордусунун Гуру Гошунларынын 50 чарпајылыг сәјјар хәстәханасы јетмиш мүалиҹә-јардым кадры илә јанашы, ордунун һава гошунларынын бир әдәд “Боеинҝ-747”, Ислам Ингилабы Кешикчиләри Корпусунун исә ики әдәд “Илјушин” тәјјарәси илә тибби јардым ҝөстәрмәк мәгсәдилә Теһранын Меһрабад һава лиманынын Шәһид Ләшҝәри базасындан Түркијәјә ҝөндәрилиб.
О, әлавә едиб: Мүмкүн олан ән тез бир заманда Түркијәдә зәлзәләдән зәрәр чәкмиш бөлҝәләрдә гурулаҹаг бу 50 чарпајылыг сәјјар хәстәхана тәҹили јардым, әмәлијјат отағы, аптек, лабораторија вә саирәјә шамил олур ки, ҹәрраһ һәким, ортопед, педиатр, инфексионист һәким, тәҹили јардым ишчиси, инјексија вә әмәлијјат отағы үзрә шәфгәт ишчиси вә мамадан ибарәт јетмиш нәфәрлик мүалиҹә кадры илә орада тибби хидмәтләр ҝөстәрәҹәк.
Иран Ислам Республикасы Ордусунун Гуру Гошунларынын команданы сонра белә гејд едиб: Ордунун гуру гошунлары һәмчинин Иранын Хој рајонунда зәлзәләдән зәрәр чәкмиш әһалијә тибби хидмәт вә јардым просесини давам етдирир.
Бу һадисәнин баш вердији илк саатлардан әзиз һәмвәтәнләрә тибби хидмәтләр ҝөстәрмәк мәгсәдилә тәҹрүбәли мүалиҹә кадрынын мүшајиәт етдији тәҹһиз олунмуш бир сәјјар хәстәхана сөзүҝедән рајонда гурулду. Бу сәјјар хәстәхана индијәдәк дәјәрли хидмәтләр ҝөстәриб вә тапшырығын сонунадәк дә әһалинин јанында олаҹаг.- дејә ҝенерал Һејдәри билдириб.
342/
