Әрдоған һөкумәтинин дағынтылар алтында галан, бу шахталы ҝүнләрдә евсиз-ешиксиз галмыш инсанлара гаршы лагејд һәрәкәтләри вә сәһләнкар јанашмалары һәм халгын һаглы наразылығына сәбәб олмушдур. Белә ки, јајылан видеолардан да ҝөрүндүјү кими дағынтылар алтында галмыш инсанларын чоху јардым олмадығына ҝөрә, сојугдан дондараг һәјатларыны итирибләр. Она ҝөрә дә сосиал шәбәкәләрдә һөкумәт әлејһинә тәнгидләр артыр. Белә бир мәгамда Түркијәдә Твиттерә ҝиришин мәһдудлашдырылдығы билдирилир. Сосиал шәбәкәләрдә тәнгиди јазылар јазанларын полисә чағырылдығы, јазыларын силдирилдији дејилир.
Бу арада өлкәнин әсас мүхалифәт партијасы олан ҸҺП-нин сәдри Камал Кылычдароғлу да һөкумәтә мүраҹиәт едиб, јардымлар үчүн бүрөкратик әнҝәлләри арадан галдырмаға чағырыб.
Танынмыш журналист Ҹан Дүндар исә минләрлә инсанын аҹиз һалда өлмәсинин сәбәбкары кими Түркијә Президенти Рәҹәб Тәјјип Әрдоғанын һакимијјәтини ҝөстәриб.
“Сүлејман Дәмирәл тез-тез тәкрарлајарды: “Сијасәтә неҹә ҝәлмисәнсә, елә дә ҝедәҹәксән”. Әрдоған 1999-ҹу илдәки зәлзәлә илә сијасәтә ҝәлди. Ҝөрүнән одур ки, 2023 зәлзәләси илә ҝедәҹәк. Минләрлә гурбаны олун бу зәлзәлә Әрдоғаны да сијасәтин дағынтылары алтында басдыраҹаг. Јаратдығы тәкадамлыг режими дағынтылар алтында галды. Игтидар аҹҝөзлүјү илә бүтүн ипләри әлинә алды. Бүтүн гурумлары өзүнә бағлады. Һеч бир етираза дөзә билмәдијинә ҝөрә јанында јалныз “бәли, ҹәнаблар” дејәнләр галды. Нәтиҹә нәдир? Түркијә, тарихинин ән бөјүк фаҹиәсини јашајыр. 100 минләрлә инсан дағынтылар алтындадыр. Дағынтылар алтында гышгырыр, милјонларла инсан көмәк етмәјә чалышыр. Амма дөвләт ифлиҹ вәзијјәтиндәдир”.
342/
